ମଣିପୁରୀ ପରମ୍ପରାରେ ବିବାହ କଲେ ବଲିଉଡ ଅଭିନେତା ରଣଦୀପ ହୁଡା
1 min read
ଇମ୍ଫାଲ: ୪୭ ବର୍ଷରେ ବିବାହ ବନ୍ଧନରେ ଆବଦ୍ଧ ହେଲେ ବଲିଉଡର ହ୍ୟାଣ୍ଡସମ୍ ହଙ୍କ ରଣଦୀପ ହୁଡା । ନିଜ ଦୀର୍ଘ ଦିନର ଗର୍ଲଫ୍ରେଣ୍ଡ ଲିନ ଲେଶରାମ୍ ଙ୍କ ହାତ ଧରିଲେ ରଣଦୀପ। ଲିନଙ୍କ ସହ ମଣିପୁରର ମୈତେଇ ସମ୍ପ୍ରଦାୟର ପରମ୍ପରା ଅନୁଯାୟୀ ବିବାହ କରିଛନ୍ତି ।
ଉଭୟଙ୍କର ମଣିପୁରରେ ମୈତେଇ ସମ୍ପ୍ରଦାୟର ରୀତିନୀତି ପରମ୍ପରା ଗତ ବିବାହର ଫଟୋ ଏବଂ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି। ଦୀର୍ଘ ଦିନ ଧରି ଏହି ଲଭ ବାର୍ଡ ପରସ୍ପରକୁ ଡେଟ୍ କରିବା ପରେ ଶେଷରେ ନିଜ ପ୍ରେମ ସମ୍ପର୍କକୁ ନୂଆ ନାଁ ଦେଇଛନ୍ତି। ମଣିପୁରର ଇମ୍ଫାଲରେ ବଲିଉଡ ଅଭିନେତା ରଣଦୀପ ହୁଡା ତାଙ୍କ ଗର୍ଲଫ୍ରେଣ୍ଡ ଲିନ ଲେଶରାମ୍ ବିବାହ କରିଛନ୍ତି।
ନେଟିଜେନଙ୍କୁ ଉଭୟଙ୍କ ବିବାହ ବେଳର ଦୃଶ୍ୟ ବେଶ ପସନ୍ଦ ଆସୁଛି। ବିବାହରେ ନବ ଦମ୍ପତିଙ୍କ ମଣିପୁରୀ ବେଶଭୂଷା ସମସ୍ତଙ୍କୁ ଆକୃଷ୍ଟ କରୁଛି । ଇନଷ୍ଟାଗ୍ରାମରେ ନବ ଦମ୍ପତିଙ୍କୁ ପ୍ରଶଂସକଙ୍କ ଶୁଭେଚ୍ଛାର ସୁଅ ଛୁଟୁଥିବାବେଳେ ଏହି ଷ୍ଟାର କପଲଙ୍କ ମଣିପୁର ଲୁକ ଏବେ ଲାଇମଲାଇଟରେ ରହିଛି।
ବର୍ତ୍ତମାନ ସମସ୍ତ ସେଲିବ୍ରେଟି କିଛି ଭିନ୍ନ ଧରଣର ବିବାହ କରିବାକୁ ପସନ୍ଦ କରୁଥିବାବେଳେ ଏହି ଷ୍ଟାର କପଲ୍ ନିଜର ପରମ୍ପରା ଅନୁଯାୟୀ ସରଳ ଢଙ୍ଗରେ ବିବାହ କରିଥିଲେ। ଅନ୍ୟପଟେ ବିବାହର ପୂର୍ବଦିନ ରଣବୀର ନିଜ ଭାବି ସ୍ତ୍ରୀ ଲିନଙ୍କୁ ସାଥୀରେ ଧରି ଆଶୀର୍ବାଦ ନେବା ପାଇଁ ମନ୍ଦିରରେ ପହଞ୍ଚିଥିଲେ । ଉଭୟଙ୍କୁ ପାରମ୍ପାରିକ ରୂପରେ ଦେଖିବାକୁ ମିଳିଥିଲା । ଯାହାର ଭିଡିଓ ସୋସିଆଲ ମିଡିଆରେ ଖୁବ ଚର୍ଚ୍ଚା ସାଉଁଟିଥିଲା ।
View this post on Instagram
ହୁଡାଙ୍କ ସାଥୀ ଲିନ ଲେଶରାମ୍ ହେଉଛନ୍ତି ଜଣେ ଅଭିନେତ୍ରୀ ଏବଂ ମଡେଲ ମଧ୍ୟ । ଏହା ସହିତ ସେ ଜଣେ ସଫଳ ଉଦ୍ୟୋଗୀ ଥିବାବେଳେ ତାଙ୍କର ଏକ ଅଳଙ୍କାର ବ୍ରାଣ୍ଡ ରହିଛି। । ବଲିଉଡ କିଛି ଚଳଚ୍ଚିତ୍ରରେ ସେ ତାଙ୍କ ଅଭିନୟର ଯାଦୁ ଦେଖାଇଛନ୍ତି। ଅନ୍ୟପଟେ ରଣଦୀପ ଏବଂ ଲିନଙ୍କ ମଧ୍ୟରେ ବୟସର ବ୍ୟବଧାନ ମଧ୍ୟ ଅଧିକ ରହିଛି । ଅଭିନେତା ରଣଦୀପ ୪୭ ବର୍ଷର ହେଇଥିବାବେଳେ ଲିନଙ୍କୁ ୩୭ ବର୍ଷ ।
