ହାର୍ଦ୍ଦିକ ଏବଂ ନତାଶାଙ୍କ ଛାଡ଼ପତ୍ରକୁ ନେଇ ସୋସିଆଲ ମିଡିଆରେ ଏମିତି ଲେଖିଲେ ରାମ ଗୋପାଲ ବର୍ମା

ନନ୍ଦିଘୋଷ ବ୍ୟୁରୋ: ଟିମ ଇଣ୍ଡିଆର ଦକ୍ଷ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଏବଂ ପତ୍ନୀ ନତାଶାଙ୍କ ମଧ୍ୟରେ ଛାଡ଼ପତ୍ର ହୋଇଛି । ଉଭୟ ଅଲଗା ହେବାକୁ ନେଇ ସୋସିଆଲ ମିଡିଆଠାରୁ ଆରମ୍ଭ କରି ଗଣମାଧ୍ୟମ ସବୁଠି ଖବରର ଶିରୋନାମା ପାଲଟିଛି । ତେବେ ଏହାକୁ ନେଇ ଜଣାଶୁଣା ଚଳଚିତ୍ର ନିର୍ମାତା ରାମଗୋପାଲ ବର୍ମା ଏକ୍ସରେ ଏକ ପୋଷ୍ଟ କରିଛନ୍ତି । ଯେଉଁଥିରେ ସେ ଲେଖିଛନ୍ତି କି, ବିବାହ ନର୍କରେ ଏବଂ ଛାଡ଼ପତ୍ର ସ୍ବର୍ଗରେ ସ୍ଥିର ହୋଇଥାଏ । ଏହାସହ ସେ ଆଶ୍ଚର୍ଯ୍ୟପ୍ରକଟ ମଧ୍ୟ କରିବା ସହ ଲେଖିଛନ୍ତି କି, ବାପା ମା ପିଲାଙ୍କ ବିବାହରେ ସମସ୍ତ ଟଙ୍କା ସରେଇ ଦେଇଥାନ୍ତି ମାତ୍ର ସମ୍ପର୍କ ଦୀର୍ଘଦିନ ରହିନଥାଏ । ବିବାହ ଅପେକ୍ଷା ବୃଦ୍ଧା ସମୟରେ ନିଜର ଯତ୍ନ ନେବା ପାଇଁ ଦରମା ଦେଇ ନର୍ସ ରଖିବା ଭଲ । ଏଭଳି ସେ ବିଭିନ୍ନ ପୋଷ୍ଟମାନ କରିଥିବାବେଳେ ୟୁଜର୍ସମାନେ ବିଭିନ୍ନ କମେଣ୍ଟମାନ ଦେଉଥିବା ଦେଖିବାକୁ ମିଳୁଛି । କେହି କେହି ଏହାକୁ ନେଇ ଭଲ କମେଣ୍ଟମାନେ ଦେଉଥିବାବେଳେ ଆଉ କେହି କେହି ବିଭିନ୍ନ ବିବାଦୀୟ କମେଣ୍ଟ ମଧ୍ୟ ଦେଉଛନ୍ତି ।