ନନ୍ଦିଘୋଷ ବ୍ୟୁରୋ : ରାମାୟଣ ନାଟକରେ ଅଶ୍ଳୀଳତା ପ୍ରଦର୍ଶନ। ରାବଣ ଓ ସୀତା ଭୂମିକାରେ ଥିବା କଳାକାର ଅଶ୍ଲୀଳତା ପ୍ରଦର୍ଶନ କରିଥିବା ଅଭିଯୋଗ ହୋଇଛି। ନାଟକର ସୀତା ହରଣ ଦୃଶ୍ୟରେ ଷ୍ଟେଜରେ ଅଶ୍ଲୀଳତା ପ୍ରଦର୍ଶନ କରାଯାଇଥିବା ଦେଖିବାକୁ ମିଳିଥିଲା। ରାମାୟଣ ଭଳି ପବିତ୍ର କଥାବସ୍ତୁରେ ଏଭଳି ଅପସଂସ୍କୃତି ପ୍ରଦର୍ଶନକୁ ନେଇ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏଥିଲାଗି ନାଟକ ଆୟୋଜନ କରିଥିବା କର୍ତ୍ତୃପକ୍ଷଙ୍କ ସହ କଳାକାରଙ୍କ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ନେବାକୁ ଦାବି କରାଯାଇଛି। ଗଞ୍ଜାମ ଦିଗପହଣ୍ଡି ଥାନା ଅନ୍ତର୍ଗତ ମୌଳାଭଣଜା ଗାଁରେ ନାଟକ ପରିବେଷଣ କରାଯାଇଥିଲା।
ଏଥିରେ ଦୁଇ ଦଳ ମଧ୍ୟରେ ପ୍ରତିଯୋଗିତା ହୋଇଥିଲା। ପ୍ରତିଯୋଗିତା ଲାଗି ସଂସ୍କୃତିକୁ ଭୁଲି ଅଶ୍ଲୀଳତା ପ୍ରଦର୍ଶନ କରିଥିଲେ ଦୁଇ ନାଟକ ସଂଗଠନର କଳାକାର। ନାଟକ ମଧ୍ୟରେ ଏକାଧିକ ଥର ଆଇଟମ ଗୀତ ପ୍ରଦର୍ଶିତ ହୋଇଥିଲା। ରାମାୟଣ ନାଟକ ପରିବେଷଣ ସ୍ଥଳରେ ଷ୍ଟେଜରେ ଆଇଟମ ଗୀତ ପରିବେଷଣ କରାଯାଇଥିଲା। ଏହି ନୃତ୍ୟ ପରିବେଷଣ କରିଥିଲେ। ରାମାୟଣ ଭଳି ଏକ ପବିତ୍ର ଗ୍ରନ୍ଥକୁ ନେଇ ନାଟକ ପରିବେଷଣ ବେଳେ ଅଶ୍ଲୀଳତା ପ୍ରଦର୍ଶନକୁ ଚାରିଆଡୁ ନିନ୍ଦା କରାଯାଇଛି। ପୁରାଣକୁ ନେଇ ଏଭଳି ଅପସଂସ୍କୃତି ପ୍ରଦର୍ଶନ ଆମ ରାଜ୍ୟର କଳା, ସଂସ୍କୃତି ପ୍ରତି କୁଠାରଘାତ। ଏଭଳି ନାଟକ ପ୍ରଦର୍ଶନକୁ ବନ୍ଦ କରିବାକୁ ସୋସିଆଲ ମିଡିଆରେ ଦାବି କରାଯାଇଛି।
