ରାମ ନବମୀରେ ଆରମ୍ଭ ହେଲା କାଠ ଚିରଟ ଅନକୂଳ

ପୁରୀ: ବିଶ୍ୱ ପ୍ରସିଦ୍ଧ ପୁରୀ ରଥଯାତ୍ରା ପାଇଁ ପବିତ୍ର ରାମ ନବମୀ ଅବସରରେ କାଠ ଚିରଟ କାମ ଅନକୂଳ ହୋଇଛି । ପୁରୀରୁ ଆଜ୍ଞାମାଳ ଆସି କଟକରେ ପହଞ୍ଚିବା ପରେ ଖପୁରିଆ ସ୍ଥିତ ସରକାରୀ ସ ମିଲ୍ ରେ କାଠ ଚିରଟ ଆରମ୍ଭ ହୋଇଥିଲା । ଆଜି 26 ଘନଫୁଟ ଆକାରର ତିନୋଟି ଧଉରା କାଠ ଚିରା ହୋଇଥିବା ବେଳେ ଆଗକୁ ଅନ୍ୟ କାଠ ଚିରା ହୋଇ ପୁରୀ ଯିବ ।

ପୁରୀରୁ ଆଜ୍ଞାମାଳ ଧରି ଶ୍ରୀମନ୍ଦିର ପ୍ରଶାସନର ଅଧିକାରୀ, ଅମିନ ଓ ଅନ୍ୟ ସେବକ ମାନେ କଟକ ଖପୁରିଆ ସରକାରୀ କାଠ ଚିରା ସମିଲ୍ ରେ ପହଂଚି ଥିଲେ । ସେଠାରେ ସେମାନେ ପୂଜାର୍ଚ୍ଚନା କରିବା ପରେ ଆରମ୍ଭ ହୋଇଥିଲା କାଠ ଚିରା କାମ । ଚିରଟ ଅନୁକୁଳ କାର୍ଯ୍ୟକ୍ରମରେ ଜଙ୍ଗଲ ବିଭାଗ, ମନ୍ଦିର ପ୍ରଶାସନର ଅଧିକାରୀ ଉପସ୍ଥିତ ରହି ପୁରା ପ୍ରକ୍ରିୟାକୁ ଶୃଙ୍ଖଳାର ସହ ପରିଚାଳନା କରିଥିଲେ। ଅକ୍ଷୟ ତୃତୀୟାରୁ ରଥ ନିର୍ମାଣ କାର୍ଯ୍ୟ ଆରମ୍ଭ ହେବ।