ବଦଳିବ ରାମ ମନ୍ଦିରର ନକ୍ସା: ଶିଳାନ୍ୟାସ ପାଇଁ PMOକୁ ପଠାଗଲା ୨ଟି ତାରିଖ

ଅଯୋଧ୍ୟା: ଶନିବାର ରାମ ମନ୍ଦିର ନିର୍ମାଣ ପାଇଁ ରାମଜନ୍ମଭୂମି ତୀର୍ଥକ୍ଷେତ୍ର ଟ୍ରଷ୍ଟର  ବୈଠକ ବସିଥିଲା । ଅନୁଷ୍ଠିତ ବୈଠକରେ ଭିତ୍ତିପ୍ରସ୍ତର ସ୍ଥାପନ ତାରିଖ ଉପରେ ଆଲୋଚନା କରାଯାଇଥିଲା। ଅଗଷ୍ଟ ୩ ଏବଂ ଅଗଷ୍ଟ ୫ ତାରିଖକୁ ଟ୍ରଷ୍ଟ ପକ୍ଷରୁ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟକୁ ପଠାଯାଇଛି । ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ଭିତ୍ତିପ୍ରସ୍ତର ତାରିଖ ଉପରେ ଚୂଡ଼ାନ୍ତ ନିଷ୍ପତ୍ତି ନେବ ।

ଏହା ବ୍ୟତୀତ ମନ୍ଦିରର ଉଚ୍ଚତା ଏବଂ ନିର୍ମାଣ ବ୍ୟବସ୍ଥା ଉପରେ ମଧ୍ୟ ଆଲୋଚନା କରାଯାଇଥିଲା। ଅଯୋଧ୍ୟା ସର୍କିଟ ହାଉସରେ ଅପରାହ୍ନ ୩ଟାରେ ଏହି ସଭା ଆରମ୍ଭ ହୋଇଥିଲା। ଟ୍ରଷ୍ଟ ମିଟିଂ ପ୍ରାୟ ଅଢେଇ ଘଣ୍ଟା ଧରି ଚାଲିଥିଲା ।

ମନ୍ଦିରର ମାନଚିତ୍ରରେ ମଧ୍ୟ ପରିବର୍ତ୍ତନ କରାଯିବ । ବର୍ତ୍ତମାନ ମନ୍ଦିରରେ ୩ ପରିବର୍ତ୍ତେ ୫ଟି ଗମ୍ବୁଜ ରହିବ । ପ୍ରସ୍ତାବିତ ମାନଚିତ୍ରଠାରୁ ମନ୍ଦିରର ଉଚ୍ଚତା ମଧ୍ୟ ଅଧିକ ହେବ ।

ଟ୍ରଷ୍ଟ ଜେନେରାଲ ସେକ୍ରେଟାରୀ ଚମ୍ପତ ରାୟ କହିଛନ୍ତି ଯେ, ପରିସ୍ଥିତି ସ୍ୱାଭାବିକ ହେବା ପରେ ଏହି ପାଣ୍ଠି ସଂଗ୍ରହ କରାଯିବ। ଆମେ ଅନୁଭବ କରୁଛୁ ଯେ, ମନ୍ଦିରର ନିର୍ମାଣ ୩ରୁ ସାଢ଼େ ୩ ବର୍ଷ ମଧ୍ୟରେ ଶେଷ ହେବ । ଏହି ବୈଠକରେ ମନ୍ଦିର ନିର୍ମାଣ କମିଟିର ଅଧ୍ୟକ୍ଷ ନୃପେନ୍ଦ୍ର ମିଶ୍ର ମଧ୍ୟ ଉପସ୍ଥିତ ଥିଲେ। ବାସ୍ତବରେ, ନୃପେନ୍ଦ୍ର ମିଶ୍ରଙ୍କ ସହ ବଡ଼ ଇଞ୍ଜିନିୟରମାନଙ୍କର ଏକ ଦଳ ଅଯୋଧ୍ୟାରେ ଅଛନ୍ତି ।

ଯେଉଁମାନେ ମନ୍ଦିର ନିର୍ମାଣର ବିଶେଷତା ଦେଖିବେ। ରାମମନ୍ଦିର ମଡେଲର ପରିକଳ୍ପନା କରିଥିବା ଚନ୍ଦ୍ରକାନ୍ତ ସୋମପୁରାଙ୍କ ବ୍ୟତୀତ ତାଙ୍କ ପୁଅ ନିଖିଲ ସୋମପୁରା ମଧ୍ୟ ଅଯୋଧ୍ୟାରେ ଅଛନ୍ତି ।