ରାମ ଗୋପାଳ ବର୍ମାଙ୍କ ଫିଲ୍ମରେ ଅପସରାଙ୍କ ସହ ଓଡିଆ ହିରୋ ରକ୍

ଥ୍ରୀଲର୍ ଚଳଚ୍ଚିତ୍ରରେ ଓଡିଆ ଝିଅ ଅପସରା ରାଣୀ ଅର୍ଥାତ୍ ଅଙ୍କିତା ମହାରଣାଙ୍କୁ ଲିଡ୍ ରୋଲରେ ସୁଯୋଗ ମିଳିବା ପରେ ନିର୍ଦ୍ଦେଶକ ରାମଗୋପାଳ ବର୍ମା ଆଉ ଜଣେ ଓଡିଆଙ୍କୁ ସୁଯୋଗ ଦେଇଛନ୍ତି । ସେ ଟ୍ୱିଟ୍ କରି ଏନେଇ ସୂଚନା ଦେଇଛନ୍ତି ।  ଏହି କଳାକାରଙ୍କ ନାମ ହେଉଛି ରକି କାଚ୍ଚି । ତେବେ ରକ ଲିଡ୍ ପୁରୁଷ ଅଭିନେତା ଭାବେ ଚୟନ ହୋଇଥିବା ରାମଗୋପାଳ ବର୍ମା ଜଣାଇଛନ୍ତି ।

https://twitter.com/RGVzoomin/status/1282925017395654662

ରାମଗୋପାଳ ଟ୍ୱିଟରେ ଲେଖିଛନ୍ତି ଯେ ପ୍ରଥମତଃ ଅପସରା ରାଣୀଙ୍କୁ ଧନ୍ୟବାଦ । ଯାହାଙ୍କ ପାଇଁ ଓଡିଶାକୁ ମୁଁ ଏତେ ଭଲ ଭାବେ ଜାଣି ପାରିଲି । ଏବେ ମୁଁ ଆଉ ଜଣେ ଓଡିଆ ପ୍ରତିଭାଙ୍କୁ ଆବିଷ୍କାର କରିଛି । ସେ ମୋର ପରବର୍ତ୍ତୀ ଚଳଚ୍ଚିତ୍ର ଥ୍ରୀଲରରେ ଅପସରା ରାଣୀଙ୍କ ବିପକ୍ଷରେ ଅଭିନୟ କରିବେ । ରାମ ଗୋପାଳ ତାଙ୍କର ଆଉ ଏକ ଟ୍ୱିଟରେ ଲେଖିଛନ୍ତି, ଅପସରା ଓ ରକ୍ କାଚ୍ଚିଙ୍କ ଭଳି ଆହୁରି ଅଧିକ ଅଭିନେତା ଓ ଅଭିନେତ୍ରୀଙ୍କୁ ମୁଁ ଦେଖିବାକୁ ଚାହେଁ।

https://twitter.com/RGVzoomin/status/1282922480621907968

‘ଥ୍ରୀଲର୍’ ଫିଲ୍ମର ଦୁଇ ଲିଡ୍ ଆକ୍ଟର୍ ଅପସରା ରାଣୀ ରାଉରକେଲାରୁ ଆସିଥିବା ବେଳେ ରକ୍ ନବରଙ୍ଗପୁରରୁ ଆସିଛନ୍ତି। ରାମୁ ନିଜର ଚତୁର୍ଥ ଓ ପଞ୍ଚମ ଟ୍ୱିଟରେ ‘ଥ୍ରୀଲର୍’ ଫିଲ୍ମରେ ଅପସରା ରାଣୀ ଓ ରକ୍ କାଚ୍ଚିଙ୍କ କିଛି ଫଟୋ ପୋଷ୍ଟ କରିଛନ୍ତି।