ଏନସିବିକୁ ରକୁଲ୍ ପ୍ରୀତିଙ୍କ ଗୁରୁତ୍ୱପୂଣ୍ଣ ତଥ୍ୟ ପ୍ରଦାନ: ହ୍ୱାଟସ୍ ଆପ୍ ଗ୍ରୁପ୍ ଆଡମିନ୍ ଥିଲେ ଦୀପିକା!

1 min read

ମୁମ୍ୱାଇ: ଖୋଲୁଛି ବି-ଟାଉନର ବିୟୁଟିଙ୍କ ଗୁମର । ଡ୍ରଗ୍ସ କାରବାର ନେଇ ଏନସିବିର ଛାଟ ପରେ ଧୀରେ ଧୀରେ ସାମ୍ନାକୁ ଆସୁଛି ଅନେକ ରୋଚକ ତଥ୍ୟ । ଆଜି ଏନସିବିରେ ହାଜର ହୋଇ ଡ୍ରଗ୍ସ କାରବାରର ଖୁଲ୍ଲାସା କରିଛନ୍ତି ରକୁଲପ୍ରୀତ ସିଂହ । ଡ୍ରଗ୍ସ ହ୍ବାଟସଆପ୍ ଗ୍ରୁପର ଆଡମିନ୍ ଥିଲେ ଅଭିନେତ୍ରୀ ଦୀପିକା ପାଦୁକୋନ । ମୁଁ କେବେ ଡ୍ରଗ୍ସ ନେଇନି , ରିୟା ଚକ୍ରବର୍ତ୍ତୀ ଡ୍ରଗ୍ସ ନିଅନ୍ତି ବୋଲି କହିଛନ୍ତି ରକୁଲ । ସେପଟେ କରଣ ଜହର କରିଥିବା ପାର୍ଟି ଉପରେ ରହିଛି  ଏନସିବିର ନଜର । ଆସନ୍ତାକାଲି ଏନସିବି ତଦନ୍ତର ସମ୍ମୁଖୀନ ହେବେ ଦୀପିକାଙ୍କ ସମେତ ଶ୍ରଦ୍ଧା କପୁର ଓ ସାରା ଅଲ୍ଲୀ ଖାନ ।

ବଲିଉଡ୍ ବିୟୁଟିଙ୍କ ଖୋଲୁଛି ପେଡି । ବି-ଟାଉନରେ ଚାଲେ ଡ୍ରଗ୍ସ ପାର୍ଟି । ସାମ୍ନାକୁ ଆସିଲା ବିସ୍ଫୋରକ ତଥ୍ୟ । ଡ୍ରଗ୍ସ କାରବାରରେ ବୁଡି ରହୁଥିଲା ମାୟାନଗରୀ ମୁମ୍ବାଇ ! ଏନସିବିର ଛାନଭିନ ପରେ ଏବେ ଏଭଳି ସତ ସାମ୍ନାକୁ ଆସିବାରେ ଲାଗିଛି । ସୁଶାନ୍ତ ସିଂ ମୃତ୍ୟୁ ମାମଲାର ସତ ଖୋଜୁ ଖୋଜୁ ବି-ଟାଉନର ବିୟୁଟିଙ୍କ କାରବାରର ପର୍ଦ୍ଦାଫାସ ହେଉଛି । ଡ୍ରଗ୍ସ କାରବାର ନେଇ ଏନସିବି ଶୁକ୍ରବାର ଅଭିନେତ୍ରୀ ରକୁଲପ୍ରୀତି ସିଂଙ୍କୁ କରିଥିଲେ ଚାରି ଘଣ୍ଟା ଜେରା । ଏହି ସମୟରେ ଏନସିବିକୁ ଅନେକ ତଥ୍ୟ ଦେଇଛନ୍ତି ରକୁଲ । ଡ୍ରଗ୍ସ ହ୍ବାଟସଆପ୍ ଗ୍ରୁପର ଆଡମିନ୍ ଅଭିନେତ୍ରୀ ଦୀପିକା ପାଦୁକୋନ ଥିବା ନେଇ ତଦନ୍ତକାରୀ ସଂସ୍ଥା ଆଗରେ କହିଛନ୍ତି ରକୁଲ । ଏ ନେଇ ଜାତୀୟ ଗଣମାଧ୍ୟମରେ ଚର୍ଚ୍ଚା ଜୋର ଧରିଛି । 2017ରେ ଏହି ହ୍ବାଟସଆପ୍ ଗ୍ରୁପରେ ଚାଟ୍ ହୋଇଥିବା କହିଛନ୍ତି ରକୁଲ । ସେ ନିଜେ କେବେ ବି ଡ୍ରଗ୍ସ ନେଉନଥିଲେ, କି କୌଣସି ଡ୍ରଗ୍ସ ମାଫିଆଙ୍କ ସମ୍ପର୍କରେ ନଥିଲେ । ତେବେ ରିୟା ଚକ୍ରବର୍ତ୍ତୀ ଡ୍ରଗ୍ସ ନେଉଥିବା ଓ ପାଖରେ ଡ୍ରଗ୍ସ ରଖିଥିବା କଥା ଏନସିବିକୁ କହିଛନ୍ତି ରକୁଲ । ସେପଟେ ଦୀପିକାଙ୍କ ମ୍ୟାନେଜର କରିସ୍ମାଙ୍କ ଉପରେ ଏନସିବି ନଜର ରଖିଥିବାବେଳେ ଧର୍ମା ପ୍ରଡକ୍‌ସନର କ୍ଷୀତିଜ ରବିପ୍ରସାଦଙ୍କୁ ପଚରାଉଚରା କରିଛନ୍ତି ଏନସିବି ଟିମ୍ । କ୍ଷୀତିଜ ତଦନ୍ତକାରୀ ଟିମକୁ ଅନେକ ଗହନ କଥା କହିଥିବା ଜଣାପଡିଛି ।

ଏହାରି ମଧ୍ୟରେ ବଢିଛି ବାଜିରାଓ ମସ୍ତାନୀ ଦୀପିକା ପାଦୁକୋନଙ୍କ ଅଡୁଆ । ଶନିବାର ଦୀପିକା ଏନସିବିରେ ହାଜର ହୋଇ ତଦନ୍ତର ସମ୍ମୁଖୀନ ହେବେ । ଦୀପିକାଙ୍କ ସମେତ ଶ୍ରଦ୍ଧା କପୁର ଓ ସାରା ଅଲ୍ଲୀ ଖାନ ମଧ୍ୟ ଶନିବାର ଏନସିବିରେ ହାଜର ହେବେ ।  ଡ୍ରଗ୍ସ କାରବାର ନେଇ ଏନସିବି ସ୍କାନରରେ ରହିଛନ୍ତି 50 ଜଣ ସେଲିବ୍ରିଟି । ତାଲିକାରେ ଅନେକ ଜଣାଶୁଣା ଅଭିନେତା, ଅଭିନେତ୍ରୀ, ପ୍ରଡ୍ୟୁସର, ଡାଇରେକ୍‌ଟର ରହିଛନ୍ତି । ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲାର ରହସ୍ୟ ଉପରୁ ପରଦା ଉଠାଇବା ପାଇଁ ଚାଲିଥିବା ତଦନ୍ତରେ ଡ୍ରଗ୍ସ ଲିଙ୍କ ନେଇ ପ୍ରତିଦିନ ନୂଆ ନୂଆ ତଥ୍ୟ ସାମ୍ନାକୁ ଆସିବାରେ ଲାଗିଛି  ।

Opn Commnet Area

Leave a Reply

Your email address will not be published. Required fields are marked *

Close Bitnami banner