କମିବ ଦୁର୍ଘଟଣାଜନିତ ମୃତ୍ୟୁ, ପାନ ଦୋକାନୀ ସାଜିବେ ରକ୍ଷକ

1 min read

ରାଉରକେଲା: କମିବ ଦୁର୍ଘଟଣାଜନିତ ମୃତ୍ୟୁ । ରାସ୍ତାରୁ ଆହତଙ୍କୁ ଉଦ୍ଧାର କରିବେ ସ୍ଥାନୀୟ ଲୋକ । ରାଜପଥରେ ନଜର ରଖିବେ ଢାବା ଓ ଚା ଦୋକାନୀ । ଦୁର୍ଘଟଣା ହେଲେ ତୁରନ୍ତ ଆହତଙ୍କ ନିକଟରେ ପହଞ୍ଚି ପ୍ରାଥମିକ ଚିକିତ୍ସା ସହିତ ସେମାନଙ୍କୁ ଡାକ୍ତରଖାନା ନେବାକୁ କରାଯିବ ବନ୍ଦୋବସ୍ତ । ଏଥିପାଇଁ ରାଉରକେଲାରେ ଆରମ୍ଭ ହୋଇଛି ରକ୍ଷକ କାର୍ଯ୍ୟକ୍ରମ । ସହରର ୧୪ଟି ସ୍ଥାନରେ ଆୟୋଜିତ ହୋଇଛି ତାଲିମ ଶିବିର । ଏଥିରେ ରାଜ୍ୟ ଓ ଜାତୀୟ ରାଜପଥକଡ଼ରେ ବାସ କରୁଥିବା ଲୋକଙ୍କ ସହିତ ଢାବା, ପାନ ଓ ଚା ଦୋକାନୀଙ୍କୁ ଦିଆଯାଉଛି ତାଲିମ୍ ।

ରାଉରକେଲାରେ ୧୪ଟି ସ୍ଥାନକୁ ଦୁର୍ଘଟଣା ବ୍ଲାକସ୍ପଟ ଭାବେ ଚିହ୍ନଟ କରାଯାଇଛି । ଏହି ସ୍ଥାନରେ ୩୦ ଜଣ ମାଷ୍ଟର ଟ୍ରେନରଙ୍କୁ ତାଲିମ ଦେବାକୁ ଦାୟିତ୍ୱ ଦିଆଯାଇଛି । ଯେଉଁ ସ୍ଥାନରେ ଅଧିକ ଦୁର୍ଘଟଣା ହେଉଛି ସେଠାରେ ସ୍ଥାନୀୟ ଲୋକଙ୍କୁ ଅଧିକ ସଚେତନ କରାଯାଉଛି । ଆହତ ବ୍ୟକ୍ତିଙ୍କୁ ଡାକ୍ତରଖାନା ଆଣୁଥିବା ବ୍ୟକ୍ତିଙ୍କୁ ପରିବହନ ବିଭାଗ ମାନପତ୍ର ସହିତ ୨ହଜାର ଟଙ୍କା ଦେଉଥିବା ବେଳେ କେନ୍ଦ୍ର ସରକାର ୫ ହଜାର ଟଙ୍କାର ପୁରସ୍କାର ରାଶି ପ୍ରଦାନ କରୁଛନ୍ତି । ଏଭଳି ଅଭିନବ କାର୍ଯ୍ୟକ୍ରମ ଦ୍ୱାରା ଆଗାମୀ ଦିନରେ ଦୁର୍ଘଟଣାଗ୍ରସ୍ତ ହେଉଥିବା ଲୋକଙ୍କ ପାଇଁ ରକ୍ଷକ ସାଜିବେ ଲୋକେ  ।

ଯେଉଁସ୍ଥାନରେ ବିଶେଷକରି ଦୁର୍ଘଟଣା ଘଟେ, ସେହି ସ୍ଥାନ ମାନଙ୍କରେ ନିୟୋଜିତ ରହିବେ ରକ୍ଷକ  । ରାଜ୍ୟ ଓ ଜାତୀୟ ରାଜପଥ କଡ଼ରେ ବାସ କରୁଥିବା ଲୋକଙ୍କୁ ତାଲିମ ଦିଆଯିବ  । ସେହିପରି ରାସ୍ତା କଡ଼ରେ ଥିବା ଢାବା, ପାନ ଦୋକାନୀ ଓ ଚା ଦୋକାନୀଙ୍କୁ ତାଲିମ ଦିଆଯାଉଛି  । ଏବଂ କେବଳ ତାଲିମ ପ୍ରାପ୍ତ ବ୍ୟକ୍ତି ନୁହଁନ୍ତି  ଯେଉଁ ସ୍ଥାନ ଗୁଡ଼ିକ ବ୍ଲାକସ୍ପଷ୍ଟ ଭାବେ ଚିହ୍ନଟ ହୋଇଛି, ସେହି ସ୍ଥାନ ଗୁଡ଼ିକରେ ୩୦ ଜଣ ମାଷ୍ଟର ଟ୍ରେନଙ୍କୁ ନିୟୋଜିତ ରହିଛନ୍ତି  । ଫଳରେ ଦୁର୍ଘଟଣା ଘଟିଲେ ତତକ୍ଷଣାତ ଆହତ ବ୍ୟକ୍ତିଙ୍କୁ ମେଡିକାଲରେ ପହଁଚା ଯାଇପାରିବ  ।

 

[DISPLAY_ULTIMATE_SOCIAL_ICONS]