ରାକ୍ଷୀ କାହାକୁ କହିଲେ ‘ଦେଶ କି ଗଦ୍ଦାର ହେ ଦିଦି ?

ମୁମ୍ବାଇ : କଙ୍ଗନାଙ୍କ ବିବାଦ ଥମିବାର ନାଁ ଧରୁନି । ସେ କହିଥିବା ମନ୍ତବ୍ୟକୁ ନେଇ ଦିନକୁ ଦିନ ବଢ଼ିଚାଲିଛି କଣ୍ଟ୍ରୋଭର୍ସି । ଏବେ ବଲିଉଡର ରାକ୍ଷୀ ସାୱନ୍ତ କଙ୍ଗନାଙ୍କୁ ନେଇ ନିଜ ମତ ରଖିଛନ୍ତି । ଗତ କିଛି ଦିନ ତଳେ ଏକ ସାକ୍ଷାତକାରରେ କଙ୍ଗନା କହିଥିବା ମନ୍ତବ୍ୟ ବିବାଦରେ ପରିଣତ ହୋଇଥିଲା । ସେ କହିଥିଲେ ଆମେ ଯେଉଁ ସ୍ୱାଧୀନତା ପାଇଥିଲୁ ତାହା ଆମକୁ ଭିକରେ ମିଳିଥିଲା । ପ୍ରକୃତ ସ୍ୱାଧୀନତା ଆମକୁ ୨୦୧୪ ମୋଦିଙ୍କ ଆସିବା ପରେ ପ୍ରାପ୍ତି ହେଲା । ଯାହାକୁ ଅନେକ ମନ୍ତ୍ରୀ, ନେତା ଟ୍ରୋଲ କରିଥିବା ବେଳେ ଏବେ ରାକ୍ଷୀ ସାୱନ୍ତ ଟ୍ରୋଲ କରିଛନ୍ତି ।

କଙ୍ଗନାଙ୍କର ଏହି ସାକ୍ଷାତକାରର ଭିଡିଓ ରାକ୍ଷୀ ନିଜ ଇନଷ୍ଟାଗ୍ରାମରେ ପୋଷ୍ଟ କରିଛନ୍ତି । ଯେଉଁଥିରେ କଙ୍ଗନା କଥା କହୁଥିବାର ଦେଖାଯାଉଛି ସତ ମାତ୍ର, ଏଥିରେ କୁକୁର ଭୋକିବାର ମ୍ୟୁଜିକ୍ ଯୋଡ଼ାଯାଇଛି । ଅର୍ଥାତ୍ ରାକ୍ଷୀଙ୍କ ମତରେ କଙ୍ଗନା କହୁଥିବା କଥା କୁକୁର ଭୁକିବା ସଙ୍ଗେ ସମାନ । କେବଳ ଏତିକି ନୁହେଁ ଏହି ଭିଡିଓରେ ସେ ଲେଖିଛନ୍ତି ‘ଦେଶ କି ଗର୍ଦ୍ଦାର ହେ ଦିଦି’ । କଙ୍ଗନାଙ୍କୁ ନେଇ ରାକ୍ଷୀଙ୍କର ଏଭଳି ପୋଷ୍ଟକୁ ଫ୍ୟାନ୍ସମାନେ ପସନ୍ଦ କରିବା ସହ କଙ୍ଗନାଙ୍କ ବିରୁଦ୍ଧରେ କମେଣ୍ଟ କରିଥିବା ବେଳେ ଅନ୍ୟ କେତେକ ୟୁଜର୍ସ ଏଭଳି ପୋଷ୍ଟକୁ ବିରୋଧ କରିଛନ୍ତି । ସେପଟେ କଙ୍ଗନା ନିଜେ କହିଥିବା ମନ୍ତବ୍ୟକୁ ନେଇ କହିଛନ୍ତିଯେ ଦେଶର ସ୍ୱାଧୀନତା ସଂଗ୍ରାମୀମାନଙ୍କୁ ଅସମ୍ମାନ କରିବାର ମୋର କୈାଣସି ଉଦ୍ଦେଶ୍ୟ ନଥିଲା ।