ନୂଆଦିଲ୍ଲୀ: MSP ଥିଲା,ଏମଏସପି ଅଛି ଓ ଏମଏସପି ରହିବ। ଏମିତିରେ ଚାଷୀ ଆନ୍ଦୋଳନ ବନ୍ଦ କରି ଆଲୋଚନା ଟେବୁଲକୁ ଆସନ୍ତୁ। ଆମେ ଚାଷୀଙ୍କ ଚିନ୍ତା କରୁଛୁ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋମବାର ଦିନ ରାଜ୍ୟସଭାରେ ଏଭଳି କହିଥିଲେ। ଆନ୍ଦୋଳନ ପଛରେ ବିଦେଶୀ ଅଛନ୍ତି ବୋଲି ପ୍ରଧାନମନ୍ତ୍ରୀ କହିଥିଲେ। ସେ କହିଥିଲେ ଯେ, ଏଫଡିଆଇ ଏବେ ଫରେନ୍ ଡିସରପ୍ଟିଭ ଆଇଡିଓଲୋଜି।
ଅନ୍ୟପକ୍ଷରେ ପ୍ରଧାନମନ୍ତ୍ରୀଙ୍କୁ ଉତ୍ତର ଦେଇଛନ୍ତି ରାକେଶ ଟିକାଏତ। ରାକେଶ କହିଛନ୍ତି ଯେ, ଆମେ ମଧ୍ୟ ପ୍ରଧାନମନ୍ତ୍ରୀଙ୍କୁ ବାବଦରେ ଚିନ୍ତା କରୁଛୁ। ସେ ପ୍ରଥମେ ଚାଷୀର ଆୟକୁ ଦୁଇଗୁଣ କରନ୍ତୁ। କୃଷି ଆଇନକୁ ପ୍ରତ୍ୟାହାର କରନ୍ତୁ। ତା’ପରେ ଆଲୋଚନା ହେବ। ସେ କହିଛନ୍ତି ଯେ, ଭୋକକୁ ନେଇ ବ୍ୟବସାୟ କରି ହେବ ନାହିଁ। ଏମଏସପିକୁ ନେଇ ଆଇନ ଆଣ ଆମେ ଆଲୋଚନା ପାଇଁ ପ୍ରସ୍ତୁତ। ଏହା ସହ ସବୁ ସାଂସଦଙ୍କୁ ପେନସନ୍ ଛାଡିବା ପାଇଁ ପ୍ରଧାନମନ୍ତ୍ରୀ ଆହ୍ୱାନ କରନ୍ତୁ ବୋଲି ସେ କହିଛନ୍ତି।
