ରାଜ୍ୟସଭା ସଚିବଙ୍କୁ ସାଂସଦ ଅମର ପଟ୍ଟନାୟକଙ୍କ ଚିଠି, ଓଡ଼ିଶାର ସାମୁଦ୍ରିକ ବାଣିଜ୍ୟ ଇତିହାସକୁ ସ୍ୱୀକୃତି ଦାବି

ଭୁବନେଶ୍ୱର: ରାଜ୍ୟସଭା ସଚିବଙ୍କୁ ସାଂସଦ ଅମର ପଟ୍ଟନାୟକଙ୍କ ଚିଠି । ଓଡ଼ିଶାର ସାମୁଦ୍ରିକ ବାଣିଜ୍ୟ ଇତିହାସକୁ ସ୍ୱୀକୃତି ଦିଆଯାଉ । ଭାରତର ବୈଦେଶିକ ନୀତିରେ ଏହାର ଉପଯୋଗ କରାଯାଉ । ଜିଓ-ପଲିଟିକାଲ ପ୍ରତିଯୋଗିତାରେ ସାମୁଦ୍ରିକ ବାଣିଜ୍ୟର ଗୁରୁତ୍ୱ ବଢ଼ୁଛି ଏଣୁ ଓଡ଼ିଶାର ପ୍ରାଚୀନ ସାମୁଦ୍ରିକ ବାଣିଜ୍ୟ ଇତିହାସକୁ ବ୍ୟବହାର କରିବାକୁ ସାଂସଦ ନିଜ ଚିଠିରେ ଉଲ୍ଲେଖ କରିଛନ୍ତି ।

ସେ ଆହୁରି ଲେଖିଛନ୍ତି ଏହାଦ୍ୱାରା ଦେଶର ସାଂସ୍କୃତିକ ମାନଚିତ୍ରକୁ ସମୃଦ୍ଧ କରାଯାଇପାରିବ । ଦକ୍ଷିଣ-ପୂର୍ବ ଏସିଆର ଇତିହାସକୁ ରୂପ ଦେବାରେ ଓଡ଼ିଶାର ବଳିଷ୍ଠ ଭୂମିକା ରହିଛି । ପୂର୍ବରୁ ବହୁ ଦେଶ ସହ କଳିଙ୍ଗର ସାମୁଦ୍ରିକ ବାଣିଜ୍ୟିକ ସଂପର୍କ ଥିଲା । ଦକ୍ଷିଣ ଏସିଆ, ପୂର୍ବ ଆଫ୍ରିକା ଓ ଆରବ ଦେଶମାନଙ୍କ ସହ ସଂପର୍କ ଥିଲା । ଅର୍ଥନୈତିକ ଅଭିବୃଦ୍ଧି ସହ ସାମାଜିକ-ସାଂସ୍କୃତିକ ସମନ୍ୱୟ ରଖୁଥିଲା କଳିଙ୍ଗ । ବାଲିରେ ହିନ୍ଦୁ ସଂସ୍କୃତିର ଉତଥାନରେ ଓଡ଼ିଶାର ଭୂମିକା ଗୁରୁତ୍ୱପୂର୍ଣ୍ଣ ଥିଲା । ଏଣୁ ଏହା ଉପରେ ଅଧିକ ଗବେଷଣା ପାଇଁ ଦାବି କରିଛନ୍ତି ସାଂସଦ ଅମର ପଟ୍ଟନାୟକ ।