ସ୍ୱାଧୀନତା ଦିବସରେ ଅଘଟଣ : ଘର ପୋଡ଼ି ଭାଇ ଭଉଣୀ ଜୀବନ୍ତ ଦଗ୍ଧ

ରାଜନଗର : ସ୍ୱାଧୀନତା ଦିବସରେ ଅଘଟଣ । ଘର ପୋଡ଼ି ଭାଇ ଭଉଣୀ ଜୀବନ୍ତ ଦଗ୍ଧ। ରାଜନଗର ବ୍ଲକ କୁରୁଣ୍ଟି ପଞ୍ଚାୟତ ବଳରାମପୁର ଗାଁରେ ଘଟିଛି ଅଭାବନୀୟ ଘଟଣା। ଗ୍ୟାସ ଟାଙ୍କି ଫାଟି ଜଳିଗଲା ଦୁଇ ବଖରା ଘର। ଘର ଭିତରେ ଥିବା ଭାଇ ଭଉଣୀ ଜୀଅନ୍ତା ଜଳିଯାଇଛନ୍ତି। ଗାଁର ସୁକାନ୍ତ ସାହାଣୀଙ୍କ ଘରେ ଗ୍ୟାସ ଟାଙ୍କି ଫାଟି ନିଆଁ ଲାଗିଥିଲା।

ସୁକାନ୍ତ ରାଜ୍ୟ ବାହାରେ ଦାଦନ ଖଟୁଥିବା ବେଳେ ମାଆ ଅନିତା ଘର ବାହାରେ କାମ କରୁଥିଲେ | ଘର ଭିତରେ ୧୧ ବର୍ଷର ଝିଅ ଅନୁପମା ସାହାଣୀ ଓ ପୁଅ ରିଷି ସାହାଣୀ ଚିତ୍କାର କରୁଥିଲେ | ନିଆଁ ଏତେ ଜୋରରେ ଲାଗିଥିଲା ଯେ ଘର ମଧ୍ୟକୁ କେହି ପଶି ପାରିନଥିଲେ | ଘର ଭିତରକୁ ପଶିବା ପୂର୍ବରୁ ଦୁଇ ଭାଇ ଭଉଣୀ ଜୀବନ୍ତ ଦଗ୍ଧ ହୋଇସାରିଥିଲେ। ଦମକଳ ବାହିନୀ ଦ୍ବାରା ନିଆଁ ଲିଭା କାର୍ଯ୍ୟ ଜାରି ରହିଛି।