ସଂଜୟ ଦତ୍ତ ଆଉ ଅର୍ସଦ ୱର୍ସିଙ୍କୁ ନେଇ ରାଜକୁମାର ହିରାନିଙ୍କ ନୂଆ ଏକ୍ସପେରିମେଣ୍ଟ

ମୁନ୍ନା ଭାଇ ଓ ସର୍କିଟଙ୍କ କଥା ଉଠିଲେ ଆଜି ମଧ୍ୟ ସିନେପ୍ରେମୀ ମନରେ କୌତୁହଳ ଖେଳିଯାଏ । ଏବେ ମଧ୍ୟ ସିନେପ୍ରେମୀ ଚାହିଁ ବସିଛନ୍ତି  ପୁଣି ଥରେ ସେମତି ଏକ ଫିଲ୍ମ ଆସନ୍ତା କି ?  ପୁଣି ଥରେ ସେମାନଙ୍କୁ ପରଦାରେ ଏକାଠି ଦେଖିବାକୁ ମିଳନ୍ତା ।

‘ମୁନ୍ନାଭାଇ ଏମବିବିଏସ୍’ , ‘ଲଗେ ରହୋ  ମୁନ୍ନାଭାଇ’ ପରି କମେଡି ହିଟ୍ ଫିଲ୍ମରେ ସିନେପ୍ରେମୀଙ୍କୁ ଏମିତି କିମିଆ କରିଥିଲା ଯେ କିଛି  ଲୋକ ଏହି ସିନେମାକୁ ଦୁଇ ଦୁଇ ଥର ତିନି ତିନି ଥର ହଲ୍ ଯାଇ ଦେ୍ଖିଥିଲେ। ଆଉ ଏହି ଯୋଡ଼ି ଦର୍ଶକଙ୍କ ଆଇକନ୍ ଆକ୍ଟର ବନିଯାଇଥିଲେ ।

ଏମିତି ଆଜି ବି ୟୁ ଟ୍ୟୁବ୍ ପ୍ଲାଟଫର୍ମରେ ଏହି ଦୁଇଟି ଫିଲ୍ମର କ୍ରେଜ୍ ରହିଛି । ତେଣୁ ଦୀର୍ଘ ଦିନର ବ୍ୟବଧାନ ପରେ ଡାଇରେକ୍ଟର ରାଜକୁମାର ହିରାନି ପୁଣି ଉଭୟଙ୍କୁ ନେଇ ଏକ୍ସପେରିମେଣ୍ଟ କରିବାକୁ ଚାହୁଁଛନ୍ତି ।  ଏହି ଫିଲ୍ମର ନାଁ ରହିଛି ‘ମୁନ୍ନାଭାଇ-୩’ ଆଉ ଫିଲ୍ମର ଶୁଟିଂ ମଧ୍ୟ ଆରମ୍ଭ ହୋଇଯାଇଛି ।

ହିରାନିଙ୍କ ଅଫିସ ବା ବ୍ୟକ୍ତିଗତ ଭାବେ ହିରାନିଙ୍କ ପକ୍ଷରୁ ଏ ନେଇ କୌଣସି ନିର୍ଦ୍ଦିଷ୍ଟ ସୂଚନା ମିଳି ନ ଥିଲେ ମଧ୍ୟ ଏହି ଫିଲ୍ମ ଟି ଆସନ୍ତା ବର୍ଷ ମାର୍ଚ୍ଚ କି ଅପ୍ରେଲ  ମାସ ସୁଦ୍ଧା ରିଲିଜ୍ ହେବ ବୋଲି ଅନୁମାନ କରାଯାଉଛି।

ଏହି ଫିଲ୍ମଟି ଏକ ହାସ୍ୟରସାତ୍ମକ ଫିଲ୍ମ ଓ ଏଥିରେ ସଂଜୟ ଏକ ଚକ୍ଷୁହୀନ ବ୍ୟକ୍ତିର ଅଭିନୟ କରୁଥିବା ବେଳେ, ଅର୍ସଦ ତାଙ୍କ ସହଯୋଗୀ ଭାବେ ଅଭିନୟ କରୁଛନ୍ତି । ')}