ଲାଞ୍ଚ ନେଲେ ସ୍ବାମୀ, ମେୟର ପଦ ହରାଇଲେ ସ୍ତ୍ରୀ

ଜୟପୁର: ଲାଞ୍ଚ ନେଲେ ସ୍ବାମୀ । ମେୟର ପଦ ହରାଇଲେ ସ୍ତ୍ରୀ । ଏହି ଘଟଣା ଘଟିଛି ରାଜସ୍ଥାନ ଜୟପୁରରେ । ଏକ ଜମି ଲିଜ୍ ଦେବା ସକାଶେ ସ୍ବାମୀ ୨ ଲକ୍ଷ ଟଙ୍କା ଲାଞ୍ଚ ନେବା ଅଭିଯୋଗରେ ଦୁର୍ନୀତି ନିବାରଣ ବ୍ୟୁରୋ ଦ୍ବାରା ଗିରଫ ହେବା ପରେ ଜୟପୁର ହେରିଟେଜ ମ୍ୟୁନିସିପାଲ କର୍ପୋରେସନ ମେୟର ମୁନେଶ ଗୁର୍ଜରଙ୍କୁ ହଟାଇ ନିଆଯାଇଛି । ଏପରିକି ଜୟପୁର ହେରିଟେଜ କର୍ପୋରେସନର ଓ୍ବାର୍ଡ ନମ୍ବର ୪୩ର କାଉନସିଲର ପଦରୁ ମଧ୍ୟ ମୁନେଶଙ୍କୁ ହଟାଯାଇଛି ।

ବାସଭବନରେ ଖୋଦ୍ ମେୟର ଉପସ୍ଥିତ ଥିବାବେଳେ ସ୍ବାମୀ ସୁଶୀଲ ଗୁର୍ଜର ଏହି ଟଙ୍କା ଲାଞ୍ଚ ନେଉଥିଲେ । ରେଡ୍ ବେଳେ ତାଙ୍କ ଘରୁ ନଗଦ ୪୦ ଲକ୍ଷ ଟଙ୍କା ଜବତ ହୋଇଥିଲା । ଏହି ପୋଲିସ କହିଛି ନାରାୟଣ ସିଂ ଓ ଅନିଲ ଦୁବେଙ୍କ ସହାୟତାରେ ସୁଶୀଲ ଏହି ୨ ଲକ୍ଷ ଟଙ୍କା ଦାବି କରିଥିଲେ । ସେହିପରି ନାରାୟଣ ସିଂଙ୍କ ଘରୁ ନଗଦ ୮ ଲକ୍ଷ ଟଙ୍କା ଜବତ ହୋଇଛି ।