ମାସ୍କ ନପିନ୍ଧିବାରୁ ବର ହଟହଟ୍ଟା; ଚାଲାଣ କାଟିଲା ପୋଲିସ
ଜୟପୁର: ରାଜସ୍ଥାନର ଜୟପୁରରେ କରୋନା ଗାଇଡଲାଇନକୁ କଡାକଡି ଭାବେ ପାଳନ କରାଯାଉଛି। ଏପରିକି ବିବାହ ଉତ୍ସବରେ ଅତିଥିଙ୍କ ସଂଖ୍ୟା ୧୦୦ ଭିତରେ ସୀମିତ ରଖିବା ଲାଗି ନିର୍ଦ୍ଦେଶ ମଧ୍ୟ ଦିଆଯାଇଛି।
ଏହାବ୍ୟତୀତ ମାସ୍କ ନପିନ୍ଧି ବିବାହ କାର୍ଯ୍ୟକ୍ରମରେ ଯୋଗଦେଲେ ପୋଲିସ ପକ୍ଷରୁ ଚାଲାଣ ମଧ୍ୟ କଟାଯାଉଥିବା ନଜର ଆସୁଛି ।
ଏମିତି ଏକ ଘଟଣା ଘଟିଛି ଜୟପୁରରେ। ଗତ ସୋମବାର ଦିନ ଜଣେ ବର ବିନା ମାସ୍କରେ ଘୋଡି ଚଢିଥିବା ବେଳେ ତାଙ୍କ ସହ ଗୋଟିଏ ଛୋଟ ପିଲା ମଧ୍ୟ ରହିଥିଲା । ବରଯାତ୍ରୀ ମାନେ ବିବାହ ସ୍ଥଳକୁ ଯାଉଥିବା ବେଳେ ଏହି ଘଟଣା ପୋଲିସ ନଜରକୁ ଆସିଥିଲା । ଯାହାପରେ ପୋଲିସ ତାଙ୍କୁ ୫୦୦ ଟଙ୍କାର ଚାଲାଣ କରିଥିଲା ।
ତେବେ ବିବାହ ଉତ୍ସବରେ ସମସ୍ତେ ମାସ୍କ ପିନ୍ଧିବା ଏବଂ ସାମାଜିକ ଦୂରତା ନିୟମକୁ କଡାକଡି ପାଳନ କରିବାକୁ ପୋଲିସ ପକ୍ଷରୁ ସେମାନଙ୍କୁ ପରାମର୍ଶ ଦିଆଯାଇଥିଲା।
