ଥମୁନି ରାଜନୈତିକ ଝଡ଼: ବିଧାୟକଙ୍କ ନାଁରେ ରୁଜୁ ହେଲା FIR

ଜୟପୁର: ରାଜସ୍ଥାନର ରାଜନୈତିକ ଝଡ଼ ଥମିବାରେ ନାଁ ନେଉ ନାହିଁ । ପ୍ରତ୍ୟେକ ଦିନ ଘଟଣାକୁ ନେଇ ନୂଆ ନୂଆ ଦିଗ ସାମ୍ନାକୁ ଆସୁଛି । ଏଥିରେ ଆଉ ଏକ ଘଟଣା ସାମିଲ ହୋଇଗଲାଣି । ଏବେ ବିଧାୟକଙ୍କ କିଣାବିକାକୁ ନେଇ ଚର୍ଚ୍ଚା ହେଉଥିବା ଅଡ଼ିଓ ରେକର୍ଡ, ଘଟଣାରେ ଏମଟି କରପ୍ସନ ବ୍ୟୁରେ (ଏସିବି)ରେ ମଧ୍ୟ ମାମଲା ରୁଜୁ କରାଯାଇଛି ।

ବିଧାନସଭାର ମୁଖ୍ୟ ସଚେତକ ମହେଶ ଜୋଶୀଙ୍କ ଅଭିଯୋଗ ଉପରେ ମାମଲା ରୁଜୁ କରାଯାଇଛି । ମାମଲା ରୁଜୁ ହେବାପରେ ଏସିବି ମୁଖ୍ୟାଳୟରେ ମହେଶ ଜୋଶୀଙ୍କ ବୟାନ ନିଆଯାଇଥିଲା । ଏହି ଏଫଆଇଆରରେ ବିଧାୟକ ଭମ୍ବରଲାଲ ଶର୍ମାଙ୍କ ନାଁ ମଧ୍ୟ ଦିଆଯାଇଛି କାହିଁକି ନା ବୟାନରେ ମହେଶ ଜୋଶୀ କହିଛନ୍ତି ଯେ, ବିଧାୟକ ଭମ୍ବରଲାଲଙ୍କ ସ୍ୱରକୁ ସେ ଚିହ୍ନିଛନ୍ତି । ଏସିବି ମୁଖ୍ୟାଳୟରେ ପିସି ଧାରା ଅନୁଜାୟୀ ଏହି ମାମଲା ରୁଜୁ କରାଯାଇଛି ।

ଆପଣଙ୍କୁ କହି ରଖୁଛୁ ଯେ, ରାଜସ୍ଥାନର ରାଜନୀତିରେ ରେକକର୍ଡିଂକୁ ନେଇ ମାମଲା ସମ୍ପୂର୍ଣ୍ଣ ଗରମ ରହିଛି । କଂଗ୍ରେସ ଦୁଇଟି ଅଡ଼ିଓ ରେକର୍ଡ ଜାରି କରି ଅଭିଯୋଗ କରିଛି ଯେ, ଏଥିରେ ସଚିନ ପାଇଲଟଙ୍କ ସମର୍ଥରେ ଥିବା ବିଧାୟକ ଭମ୍ବରଲାଲ  ଶର୍ମାଙ୍କ ସହ କଥାବାର୍ତ୍ତା ରହିଛି । ଅଭିଯୋଗରେ ଏହା ମଧ୍ୟ ରହିଛି ଯେ, ବିଜେପି ସଚିନ ପାଇଲଟଙ୍କ ସମର୍ଥରେ ଥିବା ବିଧାୟକଙ୍କ ସହ ମିଶି ଯୋଜନା କରୁଛନ୍ତି । ଏବଂ ଏହାକୁ ନଜରରେ ରଖି ହିଁ ମାମଲା ରୁଜୁ କରାଯାଇଛି ।

ଏହି ମାମଲାରେ ରାଜସ୍ଥାନର ସ୍ପେସାଲ ଅପରେସନ ଗ୍ରୁପ୍ ବିଭିନ୍ନ ସ୍ଥାନକୁ ଯାଇ ତଦନ୍ତ କରୁଛି । ଏସଓଜିର ଟିମ୍ ଶୁକ୍ରବାର ସନ୍ଧ୍ୟାରେ ମାନସେର ପହଞ୍ଚି ଥିଲେ ଯେଉଁଠାରେ କିଛି କଂଗ୍ରେସ ବିଧାୟକ ଗୋଟିଏ ହୋଟେଲରେ ରହିଥିଲେ । ଯଦିଓ ଏସଓଜି ଟିମକୁ ସେଠାକୁ ପଶିବାକୁ ଦିଆଯାଇ ନଥିଲା । ଏବଂ ହୋଟେଲରେ ଭମ୍ବରଲାଲ ଶର୍ମା ଏସଓଜିଙ୍କ ସହ ଭେଟି ପାରିନଥିଲେ ।