ସୁରକ୍ଷା ଭାଙ୍ଗି ରାଷ୍ଟ୍ରପତିଙ୍କ ପାଦ ଛୁଇଁଥିବା ସରକାରୀ ଇଂଜିନିୟର ନିଲମ୍ବିତ

ଜୟପୁର ମହାମହିମଙ୍କ ପାଦ ଛୁଇଁ ନିଲମ୍ବିତ ହେଲେ ସରକାରୀ ଇଂଜିନିୟର । ରାଜସ୍ଥାନର ଏକ କାର୍ଯ୍ୟକ୍ରମରେ ଯୋଗଦେଇଥିଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଜାନୁଆରୀ ୪ର ଘଟଣା । ବିମାନ ବନ୍ଦରରେ ରାଷ୍ଟ୍ରପତି ହେଲିକପ୍ଟରରୁ ଓହ୍ଲାଇ ଆସୁଥିବା ବେଳେ ଜନସ୍ବାସ୍ଥ୍ୟ ବିଭାଗର ଜଣେ ସରକାରୀ ମହିଳା ଇଞ୍ଜିନିୟର ରାଷ୍ଟ୍ରପତିଙ୍କ ପାଦ ଛୁଇଁ ନମସ୍କାର କରିଥିଲେ । ଏହାପରେ ରାଷ୍ଟ୍ରପତିଙ୍କ ସୁରକ୍ଷାରେ ବଡ଼ ତ୍ରୁଟି ହୋଇଥିବା ଗୃହମନ୍ତ୍ରାଳୟ ରିପୋର୍ଟ ମାଗିଥିଲେ । ଏହାପରେ କାର୍ଯ୍ୟାନୁଷ୍ଠାନ ସ୍ବରୁପ ରାଜ୍ୟ ସରକାର ଜୁନିୟର ଇଞ୍ଜିନିୟର ଆମ୍ବା ସିଓଲଙ୍କୁ ନିଲମ୍ବିତ କରିଛନ୍ତି । ରାଷ୍ଟ୍ରପତି ଯେଉଁ କାର୍ଯ୍ୟକ୍ରମକୁ ଯାଇଥିଲେ ସେଠାରେ କାର୍ଯ୍ୟରତ ଥିଲେ ଇଞ୍ଜିନିୟର । ରାଷ୍ଟ୍ରପତିଙ୍କୁ ସ୍ବାଗତ କରିବାକୁ ଯାଇଥିବା ଅଧିକାରୀଙ୍କ ସହ ବିମାନବନ୍ଦର ଯାଇଥିଲେ ଆମ୍ବା ସିଓଲ ।