ରାଜସ୍ଥାନ ରିସୋର୍ଟରେ କ’ଣ ପାଇଁ ହାତାହାତି ହେଲେ ବିଜେପି ବିଧାୟକ ?
ଜୟପୁର : ରାଜସ୍ଥାନର ଭାରତୀୟ ଜନତା ପାର୍ଟିର ଗୋଷ୍ଠୀ କନ୍ଦଳ ଏବେ ପଦାରେ ପଡିଛି । ସିକରର ଏକ ରିସୋର୍ଟରେ ରହିଥିବା କୋଟା ଡିଭିଜିନର ବିଜେପି ବିଧାୟକଙ୍କ ମଧ୍ୟରେ ହାତାହାତି ହୋଇଥିବା ଖବର ସାମ୍ନାକୁ ଆସିଛି। ଏହାପରେ ବିଧାୟକଙ୍କୁ ରିସୋର୍ଟରୁ ବାହାରକରି ଅନ୍ୟତ୍ର ନିଆଯାଇଥିଲା। ଏହି ଘଟଣା ମଙ୍ଗଳବାର ଦିନ ବିଳମ୍ୱିତ ରାତିରେ ଘଟିଥିବା ସୂଚନା ମିଳିଛି।
ଖବର ଅନୁଯାୟୀ, କିଛି ବିଧାୟକ ରିସୋର୍ଟରେ ଏକାଠି ହୋଇ ବହରୋଡ ଯିବାକୁ ଯୋଜନା କରିଥିଲେ। କୁହାଯାଉଛି ଯେ, କିଛି ବଡ ନେତାଙ୍କ ନିର୍ଦ୍ଦେଶରେ ଏହା ଘଟିଛି । ସେଠାରେ ଉପସ୍ଥିତ ଥିବା କିଶାନଗଞ୍ଜର ବିଧାୟକ ଲଲିତ ମୀଣା ଫୋନରେ ତାଙ୍କ ବାପାଙ୍କୁ ଏ ସମ୍ପର୍ପକରେ ଜଣାଇଥିଲେ। ଏହାସହ ସଂଗଠନ ସହ ଜଡିତ ନେତାମାନଙ୍କୁ ମଧ୍ୟ ଜଣାଇଥିଲେ। ଏନେଇ ରାଜ୍ୟର ବିଜେପି ନେତାଙ୍କ ମଧ୍ୟରେ ଆତଙ୍କ ଖେଳିଯାଇଥିଲା। ଯାହାଫଳରେ ବିଧାୟକଙ୍କ ମଧ୍ୟରେ ହାତାହାତି ପରିସ୍ଥିତି ଉପୁଜିଥିଲା । ବିଜେପିର କିଛି ନେତା ରିସୋର୍ଟରେ ପହଞ୍ଚି ସେମାନଙ୍କୁ ସେଠାରୁ ବାହାର କରିଥିଲେ ।
ଆପଣଙ୍କୁ କହିରଖୁଛୁ ଯେ, ରାଜସ୍ଥାନ ବିଧାନସଭା ନିର୍ବାଚନରେ ବିଜେପି ଚମତ୍କାର ବିଜୟ ହାସଲ କରିଛି । ବିଜେପି ଦଳ ୧୧୫ ଟି ସିଟ୍ ହାତେଇଛି । ୫ ବର୍ଷ ପରେ ପୁଣି କ୍ଷମତାକୁ ଆସିଛି ବିଜେପି । ନିର୍ବାଚନ ଫଳାଫଳ ବାହାରିବା ପରେ କିଏ ହେବ ମୁଖ୍ୟମନ୍ତ୍ରୀ ତାକୁ ନେଇ ଚର୍ଚ୍ଚା ହୋଇଛି । ଅନ୍ୟପକ୍ଷରେ ବିଧାନସଭା ଜିତିଥିବା ଅନେକ ବିଜେପି ସାଂସଦ ବୁଧବାର ଇସ୍ତଫା ଦେଇଛନ୍ତି।
