ସିଏମ୍ ଫେସ ବିନା ରାଜସ୍ଥାନରେ ନିର୍ବାଚନ ଲଢ଼ିବ କଂଗ୍ରେସ

ନୂଆଦିଲ୍ଲୀ: ସିଏମ୍ ଫେସ ବିନା ରାଜସ୍ଥାନରେ ନିର୍ବାଚନ ଲଢ଼ିବ କଂଗ୍ରେସ । ରାଜ୍ୟ କଂଗ୍ରେସରେ କ୍ଷମତା କନ୍ଦଳ ମଧ୍ୟରେ ଦିଲ୍ଲୀରେ ବସିଥିବା ଗୁରୁତ୍ବପୂର୍ଣ୍ଣ ବୈଠକରେ ୪ଟି ନିଷ୍ପତ୍ତିରେ ସହମତି ହୋଇଛି। ରାଜସ୍ଥାନ ଲୋକସେବା ଆୟୋଗର ସଦସ୍ୟଙ୍କ ନିଯୁକ୍ତି ପାଇଁ ସ୍ବତନ୍ତ୍ର ନିୟମ ପ୍ରସ୍ତୁତ କରାଯିବ । ପେପର ଲିକ୍ ନେଇ ବିଧାନସଭାରେ ଆଇନ ଆସିବ । ରାଜସ୍ଥାନ ବିଧାନସଭା ନିର୍ବାଚନ ପାଇଁ ସେପ୍ଟେମ୍ବର ପ୍ରଥମ ସପ୍ତାହରେ ପ୍ରାର୍ଥୀ ତାଲିକା ଘୋଷଣା କରାଯିବ । ଦଳରେ ବୟାନବାଜି ହେବନି । ରାଜ୍ୟ ସରକାରଙ୍କ ବିକାଶମୂଳକ ଯୋଜନାର ପ୍ରଚାର ସହ ଦଳର ପ୍ରଚାର ଅଭିଯାନ ଆରମ୍ଭ ହେବ ।

ରାଜ୍ୟରେ ଏକଜୁଟ୍ ହୋଇ ନିର୍ବାଚନ ଲଢିବ କଂଗ୍ରେସ । ଟ୍ରେଣ୍ଡ ବଦଳାଇବା ସହ ରାଜ୍ୟରେ ପୁଣି ସରକାର ଗଠନ କରିବ ବୋଲି ବରିଷ୍ଠ ନେତା କେସି ବେଣୁଗୋପାଳ କହିଛନ୍ତି ରାଜସ୍ଥାନ ବିଧାନସଭା ନିର୍ବାଚନର ପ୍ରସ୍ତୁତି ସମୀକ୍ଷା ସହ ବିଜୟ ରଣନୀତି ପ୍ରସ୍ତୁତ କରିବା ନେଇ ଆଜି ବୈଠକ ବସିଥିଲା । କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ଓ ରାହୁଲ ଗାନ୍ଧୀଙ୍କ ସହ ବୈଠକରେ ଦଳର ବହୁ ବରିଷ୍ଠ ନେତା ଯୋଗ ଦେଇଥିଲେ । ସମସ୍ତ ନେତା, ବିଧାୟକ, ମନ୍ତ୍ରୀ ଏକାଠି କାମ କରିବେ । ରାଜସ୍ଥାନରେ ପୁଣି କଂଗ୍ରେସକୁ କ୍ଷମତାକୁ ଆଣିବା ଏକମାତ୍ର ଲକ୍ଷ୍ୟ ରହିବ ବୋଲି ବୈଠକ ପରେ ସଚିନ ପାଇଲଟ କହିଛନ୍ତି ।