ଭୁବନେଶ୍ବର: ରାଜଗାଙ୍ଗପୁର ବିଜେପିକୁ ଝଟକା।ବିଜେପି ଛାଡି ବିଜେଡିରେ ମିଶିଲେ ୨୦୧୪ର ବିଧାୟକ ପ୍ରାର୍ଥୀ ଉପେନ୍ଦ୍ର ପ୍ରଧାନ। ବିଜେପିର ପୂର୍ବତନ ନଗର ସଭାପତି ଓ ରାଜଗାଙ୍ଗପୁର ବିକାଶ ପରିଷଦ ସଭାପତି ସୁନିଲ ଅଗ୍ରୱାଲ ଏବଂ ରାଜଗାଙ୍ଗପୁରର ପୂର୍ବତନ ନଗର କଂଗ୍ରେସ କମିଟି ସଭାପତି ରତନ କୁମାର ସାହୁ ଶଙ୍ଖ ଭବନରେ ଆୟୋଜିତ ହୋଇଥିବା ମିଶ୍ରଣ କର୍ଯ୍ୟକ୍ରମରେ ବିଜେଡିରେ ଯୋଗ ଦେଇଛନ୍ତି। ମନ୍ତ୍ରୀ ସାରଦା ନାୟକ, ସାଂସଦ ସସ୍ମିତ ପାତ୍ର, ବରିଷ୍ଠ ନେତା ମଙ୍ଗଳା କିସାନ, ସହ ପଯ୍ୟବେକ୍ଷକ ଓ ବିଜେଡି ମୁଖପାତ୍ର ପ୍ରିୟବ୍ରତ ମାଝୀଙ୍କ ଉପସ୍ଥିତିରେ ବିଜେଡିରେ ଯୋଗ ଦେଇଛନ୍ତି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କାର୍ଯ୍ୟଧାରା, ନୀତି, ଆଦର୍ଶରେ ଅନୁପ୍ରାଣିତ ହୋଇ ବିଜୁ ଜନତା ଦଳରେ ଯୋଗ ଦେଇଛନ୍ତି ତିନି ନେତା। ଉପେନ୍ଦ୍ର ପ୍ରଧାନ, ରତନ ସାହୁ, ସୁନିଲ ଅଗ୍ରୱାଲ ଜଣେ ଜଣେ ଭଲ ସଂଗଠକ। ସୁନ୍ଦରଗଡ଼ ଏମାନଙ୍କ ଯୋଗଦାନ ପରେ ଆହୁରି ସୁଦୃଢ ହୋଇଛି ବିଜେଡି
