ବିଦେଶରେ ରଜ ଉତ୍ସବ: ଓଡ଼ିଆ ସାଂସ୍କୃତିକ କାର୍ଯ୍ୟକ୍ରମ ସହ ହୁଳହୁଳି ଧ୍ୱନୀରେ ଦୁଲିକିଲା ନେଦରଲାଣ୍ଡସ

ଆମଷ୍ଟରଡାନ: ବିଦେଶରେ ରଜ ମହକ । ନେଦରଲାଣ୍ଡସରେ ରହୁଥିବା ଓଡ଼ିଆ ପାଳନ କଲେ ରଜ ମିଳନ ପର୍ବ । ନେଦରଲାଣ୍ଡସର ବିଭିନ୍ନ ସହରରେ ରହୁଥିବା ଶତାଧିକ ଓଡ଼ିଆ ପରିବାର ଏହି ଅନୁଷ୍ଠାନରେ ଯୋଗ ଦେଇଥିଲେ ଏବଂ ହର୍ଷ ଉଲ୍ଲାସରେ ରଜ ମିଳନ ପର୍ବ ପାଳନ କରିଥିଲେ । ଓଡ଼ିଆ ଶୋସିଓ କଲ୍ଚରାଲ ଆସୋସିଏସନ ନେଦରଲାଣ୍ଡସ ପକ୍ଷରୁ ଉତ୍ତରେକ୍ଟ ସହରର ଏକ ଭାରତୀୟ ଅନୁଷ୍ଠାନରେ ପାଳନ ହୋଇଥିଲା ରଜ ।

ଏହି ଉତ୍ସବରେ ମୁଖ୍ୟ ଅତିଥି ଭାବେ ନେଦରଲାଣ୍ଡ ଇନଫୋସିସର କଣ୍ଟ୍ରି ହେଡ୍ ପୁନିତ ଶୁକ୍ଳା ଯୋଗଦେଇଥିଲେ । ଓଡିଶୀ ନୃତ୍ୟରୁ ଆରମ୍ଭ ହୋଇଥିଲା ଉତ୍ସବ । ପରେ ପରେ ମୋ ଓଡିଶା ଗୀତ ଏବଂ ଅନେକ ଓଡ଼ିଆ ସାଂସ୍କୃତିକ କାର୍ଯ୍ୟକ୍ରମ ସହ ହୁଳହୁଳି, ଅଳତା ଲଗା, ଲୁଗା ପିନ୍ଧା, ସଜବାଜ ପରି ଅନେକ କୌତୁହଳର ପ୍ରତିଯୋଗିତା ଆୟୋଜିତ ହୋଇଥିଲା । ଏଥିପାଇଁ ଓଡ଼ିଶାର ବିଭିନ୍ନ ଅନୁଷ୍ଠାନ ସହଯୋଗ କରିଥିଲେ । କୋଭିଡ ମହାମାରୀ ଲକଡାଉନ ପରେ ଏହା ନେଦରଲାଣ୍ଡସର ଓଡ଼ିଆ ମାନଙ୍କ ପାଇଁ ପ୍ରଥମ ମିଳନ ପର୍ବ ଥିଲା, ଯାହାକୁ ସମସ୍ତେ ଅନେକ ଆନନ୍ଦ ଉଲ୍ଲାସରେ ଉପଭୋଗ କରିଥିଲେ ।