ରାଜ ଠାକରେଙ୍କ ବିସ୍ଫୋରକ ବୟାନ, କହିଲେ ହିନ୍ଦୀ ଭାଷା କାନରେ ବାଜିଲେ ବିରକ୍ତ ଲାଗେ

ମୁମ୍ବାଇ: ହିନ୍ଦୀ ଭାଷାକୁ ନେଇ ପୁଣି ଏକ ପ୍ରତିକ୍ରିୟା ରଖିଛନ୍ତି ରାଜ ଠାକରେ । ବିଶ୍ବ ମରାଠୀ ସମ୍ମିଳନୀରେ ରାଜ ଠାକରେ ହିନ୍ଦୀ ଭାଷାକୁ ନେଇ ନେଇ ନିଜର ଅଭିଭାଷଣ ରଖିଛନ୍ତି । ସେ କହିଛନ୍ତି କି, ହିନ୍ଦୀ ରାଷ୍ଟ୍ରଭାଷା ନୁହେଁ । ସେ କହିଛନ୍ତି କି, ମରାଠୀ ବିଷୟ ପାଇଁ ମୋତେ ଜେଲ ଯିବାକୁ ପଡ଼ିଛି । ମୁଁ ଜଣେ ସଚ୍ଚା ମରାଠୀ । ଆମର ମହାରାଷ୍ଟ୍ର ପ୍ରଥମେ ଗୁରୁତ୍ବ ଦେବା ଦରକାର । ଦେଶ ବିଦେଶରେ ବହୁ ମରାଠୀ ମାନେ ନିଜର ନାଁ କମେଇଛନ୍ତି । କିନ୍ତୁ ଯେତେବେଳେ ମହାରାଷ୍ଟ୍ରରେ କୌଣସି ଲୋକ ମରାଠୀ ବଦଳରେ ହିନ୍ଦୀ କଥା ବାର୍ତ୍ତା କରେ ମୋତେ ବିରକ୍ତ ଲାଗେ  । ଭାଷାର କୌଣସି ବିରୋଧ ନାହିଁ । କିନ୍ତୁ ହିନ୍ଦୀ ଭାଷା ରାଷ୍ଟ୍ରୀୟ ଭାଷା ନୁହେଁ । ଦେଶରେ କେବେ ଏହାକୁ ରାଷ୍ଟ୍ରଭାଷା ଭାବେ ନିଷ୍ପତ୍ତି ନିଆଯାଇନାହିଁ । ଅନ୍ୟ ଭାଷା ଭଳି ହିନ୍ଦୀ ମଧ୍ୟ ଏକ ଭାଷା । ଏହାସହ ସେ ମହାରାଷ୍ଟ ସରକାରଙ୍କୁ ଅନୁରୋଧ କରିଛନ୍ତି କି, ବିଦ୍ୟାଳୟରେ ପ୍ରଥମରୁ ଦଶମ ପର୍ଯ୍ୟନ୍ତ ମରାଠୀ ଭାଷା ରଖାଯିବା ଦରକାର । ଏହାସହ ସେ କହିଛନ୍ତି କି, ଆମେ ହିନ୍ଦୀ ଫିଲ୍ମକୁ ଦେଖୁଛେ । ମାତ୍ର ମରାଠୀ ଭାଷାଠାରୁ ମଧୁର ଭାଷା କିଛି ନାହିଁ । ମରାଠୀରେ ଯେଭଳି ହାସ୍ୟରସ ରହିଛି ଅନ୍ୟ କୌଣସି ଭାଷାରେ ଏଭଳି ନାହିଁ । କିନ୍ତୁ ଆଜି ରାଜନୀତି କାରଣରୁ ଏହି ଭାଷାକୁ ଅଲଗା କରାଯାଉଛି ।