ବର୍ଷା ଦିନେ ଘରେ ପଶୁଥିଲା ପାଣି, ଘରକୁ ୬ ଫୁଟ ଉପରକୁ ଉଠାଇଲେ ମାଲିକ

ନୀଳଗିରି: ନୂଆ ଟେକ୍ନୋଲୋଜି ସହାୟତାରେ ସ୍ଥାୟୀ ଘରକୁ ମାଟି ଠାରୁ ଉପରକୁ ଉଠାଯାଉଛି। ୬ ଫୁଟ ପର୍ଯ୍ୟନ୍ତ ଘର ଉପରକୁ ଉଠାଇବା ପାଇଁ କାର୍ଯ୍ୟ ଚାଲିଛି। ନୀଳଗିରି କୋଳିଗଡି ସନ୍ତରାଗଡିଆରେ ଏକ ମହଲା ବିଶିଷ୍ଟ ଘରକୁ ଉପରକୁ ଉଠାଇବା ପାଇଁ ଲାଗିଛନ୍ତି ୧୨ ଜଣିଆ ଟିମ୍। ୨ ଶହରୁ ଅଧିକ ଜଗ ସହାୟତାରେ ଚାଲିଛି କାମ। ପ୍ରଥମ ପ୍ରୟାସରେ ଘର ୫ ଫୁଟ ଉପରକୁ ଉଠିଥିବା କହିଛନ୍ତି ଘର ମାଲିକ। ବର୍ଷାଦିନେ ଘରେ ପାଣି ପଶୁଥିବା ଯୋଗୁଁ ଏଭଳି ନିଷ୍ପତ୍ତି ନେଇଥିଲେ। ଅନଲାଇନ ମାଧ୍ୟମରେ ବିହାରର ହାଉସ ସିଫ୍ଟିଂ ସଂସ୍ଥା ଜୟ ଶ୍ରୀରାମ ସିନ୍ସ କମ୍ପାନୀ ସହିତ ଯୋଗାଯୋଗ କରିଥିଲେ ଘର ମାଲିକ।  ଜାନୁଆରୀ ୮ରୁ ଚାଲିଛି ଘର ଉଠା କାମ।