ରାଜଧାନୀରେ ଥଣ୍ଡାର ଥାର୍ଡ଼ ଡିଗ୍ରୀ

ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ଶୀତର ପ୍ରକୋପ ଜାରି ରହିଛି । ଦିଲ୍ଲୀ ଓ ଏହାର ଉପକଣ୍ଠରେ ବିଗତ ୨ ଦିନ ହେବ ବର୍ଷା ଜାରି ରହିଛି ଏବଂ ଆଗାମୀ ୩ ଦିନ ଯାଏଁ ଏହା ଜାରି ରହିବ ବୋଲି ଆକଳନ ହୋଇଛି । କିଛି ଘଣ୍ଟା ଭିତରେ ଦିଲ୍ଲୀର କିଛି ଅଞ୍ଚଳରେ ପୁଣି ବର୍ଷା ହୋଇପାରେ ବୋଲି ସୁଚନା ଦେଇଛି ।

ଭାରତୀୟ ପାଣିପାଗ ବିଭାଗ ଆଇଏମଡି ଅନୁଯାୟୀ, ଆଗାମୀ କିଛି ଘଣ୍ଟା ମଧ୍ୟରେ ହରିୟାଣାର ଦିଲ୍ଲୀର ପାଲୱାଲରେ ପୁଣି ବର୍ଷା ହୋଇପାରେ। ଫଳରେ ଆଗକୁ ଥଣ୍ଡା ଆହୁରି ବଢ଼ିପାରେ। ରାଜଧାନୀରେ ୨ରୁ ୬ ତାରିଖ ମଧ୍ୟରେ ସର୍ବନିମ୍ନ ତାପମାତ୍ରା ୬ରୁ ୮ ଡିଗ୍ରୀ ମଧ୍ୟରେ ରହିବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି।

ଦିଲ୍ଲୀ ବ୍ୟତୀତ ରାଜସ୍ଥାନର ନାଡ଼ବାଇ, ନାଗର, ଲକ୍ଷ୍ମଗଡ଼, ଭାରତପୁର, ମେହେନ୍ଦୀପୁର ବାଲାଜୀରେ ମଧ୍ୟ ବର୍ଷା ହେବାର ସମ୍ଭାବନା ରହିଛି। ଏହା ସହିତ ଉତ୍ତରପ୍ରଦେଶର ବାରସାନା, ନନ୍ଦଗାଓଁ, ଖାତାଲା, ଗାଲାଉଟି ଏବଂ ଚାପ୍ରାଲାରେ ମଧ୍ୟ ବର୍ଷା ହେବାର ପୂର୍ବାନୁମାନ କରାଯାଇଛି।