କରୋନା ସମୟରେ ବୃଦ୍ଧି ପାଇଥିବ ଭଡ଼ାକୁ ପ୍ରତ୍ୟାହାର କରିବ ରେଳବାଇ

ପାଟନା : ରେଳବାଇ ତରଫରୁ ବଡ଼ ଘୋଷଣା । କୋରନା ସମୟରେ ବୃଦ୍ଧି ପାଇଥିବା ଭଡ଼ାକୁ କରାଯିବ ପ୍ରତ୍ୟାହାର ।  କରୋନା ଅବଧି ସମୟରେ, ଅନ୍ୟ ରାଜ୍ୟରୁ ବିହାରର ଲୋକଙ୍କୁ ଫେରାଇ ଆଣିବା ପାଇଁ ପୂର୍ବ କେନ୍ଦ୍ରୀୟ ରେଳବାଇର ଦାନାପୁର ରେଲୱେ ଡିଭିଜନରେ ଯାତ୍ରୀବାହୀ ଟ୍ରେନକୁ ସ୍ପେଶାଲ ଟ୍ରେନ୍ ଭାବେ ଚଲାଯାଉଥିଲା ଏବଂ ଏହାର ସର୍ବନିମ୍ନ ଭଡା ୩୦ ଟଙ୍କା କରାଯାଇଥିଲା। କିନ୍ତୁ କରୋନା ଅବଧି ଶେଷ ହେବା ପରେ ମଧ୍ୟ ଏହି ସମାନ ଧାରା ଜାରି ରହିଥିଲା । କିନ୍ତୁ ରେଳବାଇ ତରଫରୁ ବର୍ତ୍ତମାନ ଏହି ନିୟମ ବଦଳାଇ ଦିଆଯାଇଛି ଏବଂ ସମସ୍ତ ୭୮ ଟି ଟ୍ରେନକୁ ପାସେଞ୍ଜର ଟ୍ରେନ୍ କରାଯାଇଛି । ଯାହା ପରେ ଯାତ୍ରା ପାଇଁ ଯାତ୍ରୀମାନଙ୍କୁ ସର୍ବନିମ୍ନ ୧୦ ଟଙ୍କା ଭଡା ଦେବାକୁ ପଡିବ।

ଅନେକ ଦିନ ଧରି ବିହାରରେ ଦୈନିକ ଟ୍ରେନରେ ଯାତାୟତ କରୁଥିବା ଯାତ୍ରୀ ମାନେ ଏହାକୁ ସାଧାଣଣ ପାସେଞ୍ଜର ଟ୍ରେନ୍ କରିବାକୁ ଦାବି କରିଆସୁଥିଲାଲେ । ଯାହା ପାଇଁ ଡିଆରଏମଙ୍କ ଠାରୁ ଆରମ୍ଭ କରି ରେଲଓ୍ୱେ ବୋର୍ଡ ସଭିଙ୍କୁ ଦାବିପତ୍ର ଦିଆଯାଇଥିଲା ।  ଏବେ ଦୀର୍ଘ ଦିନ ପରେ ସେମାନଙ୍କ ଦାବି ପୂରଣ ହୋଇଛି । ଆପଣଙ୍କୁ ଜଣାଇଦେଉଛୁ କି, ଏକ୍ସପେସ୍ ଟ୍ରେନର ଜେନେରାଲ ବଗିରେ ଯାତ୍ରା କରିବାର ନିମ୍ନତମ ଭଡା ୩୦ଟଙ୍କା ରହିଛି । ଅନ୍ୟପକ୍ଷେ କେବଳ ପାସେଞ୍ଜର ଟ୍ରେନ୍ ପାଇଁ ନିମ୍ନତମ ଭଡା ୧୦ଟଙ୍କା ରଖାଯାଇଛି । ରବିବାର ଠାରୁ ହିଁ ଏହି ନୂତନ ବ୍ୟବସ୍ଥା କାର୍ଯ୍ୟକାରୀ ହୋଇଛି ବୋଲି ଡିଆରଏମ ଜୟନ୍ତ କୁମାର ଚୌଧୁରୀ କହିଛନ୍ତି।