ଟ୍ରେନ୍ ରହଣି ଦାବିରେ ରେଳରୋକ

ଜୟପୁର: କୋରାପୁଟ ଜିଲ୍ଲା ଲକ୍ଷ୍ମୀପୁରରେ ରେଳରୋକ । ଟ୍ରେନ୍ ରହଣି ଦାବିରେ ରେଳରୋକ କରିଛନ୍ତି ସ୍ଥାନୀୟ ଲୋକ । ବାରମ୍ବାର ଲିଖିତ ଦାବି ପ୍ରଦାନ କରିବା ପରେ ମଧ୍ୟ ପାସେଞ୍ଜର ଟ୍ରେନ୍ ରହୁନାହିଁ । ରେଳମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ଲକ୍ଷ୍ମୀପୁର ଗସ୍ତ ସମୟରେ ଦାବିପତ୍ର ଦିଆଯାଇଥିଲା । ଆଲୋଚନା ପାଇଁ ବିଶାଖାପାଟଣା ଡିଆରଏମ୍ ମଧ୍ୟ ୬ ଜଣିଆ ପ୍ରତିନିଧି ଦଳକୁ ଡକାଇଥିଲେ । ଟ୍ରେନ୍ ରହଣି ପାଇଁ ସକାଶେ ୨୦ ଦିନ ସମୟ ମାଗିଥିଲେ ଡିଆରଏମ୍ ।

ଡିଆରଏମଙ୍କ ପ୍ରତିଶ୍ରୁତି ମୁତାବକ ୨୦ ଦିନ ପରେ ବି ଟ୍ରେନ୍ ଲକ୍ଷ୍ମୀପୁର ଷ୍ଟେସନରେ ରହୁନାହିଁ । ଏହାର ପ୍ରତିବାଦ କରି ଆନ୍ଦୋଳନକୁ ଓହ୍ଲାଇଛି ଲକ୍ଷ୍ମୀପୁର ବିକାଶ ପରିଷଦ । କୋହଲା ପାଗରେ ଝିପି ଝିପି ବର୍ଷାରେ ଟ୍ରାକ୍ ଉପରେ ବସି ରହିଛନ୍ତି ଆନ୍ଦୋଳନକାରୀ । ଦାବି ପୂରଣ ନହେଲେ ଅନିର୍ଦ୍ଦିଷ୍ଟ ସମୟ ପର୍ଯ୍ୟନ୍ତ ରେଳରୋକ ପାଇଁ ଚେତାବନୀ ଦେଇଛନ୍ତି । ଷ୍ଟେସନରେ ପୋଲିସ ମୁତୟନ ହୋଇଛନ୍ତି ।