ଖୋର୍ଦ୍ଧାରେ ଖଣି ମାଫିଆ ପ୍ରକାଶ ରାଉତରାୟଙ୍କ ଘରେ ଚଢାଉ, ୧୯ ଲକ୍ଷରୁ ଅଧିକ ଟଙ୍କା ଜବତ
ଖୋର୍ଦ୍ଧା: ଖୋର୍ଦ୍ଧାରେ ଖଣି ମାଫିଆ ପ୍ରକାଶ ରାଉତରାୟଙ୍କ ଘରେ ଭୁବନେଶ୍ବର କମିଶନରେଟ୍ ପୋଲିସ ଏବଂ ଖୋର୍ଦ୍ଧା ପୋଲିସର ମିଳିତ ଚଢାଉ । ପ୍ରକାଶଙ୍କ ଘରୁ ୩୮ଟି ବିଡ଼ା ଟଙ୍କା ଜବତ କରିଛି ପୋଲିସ । ଜବତ ଟଙ୍କା 19 ଲକ୍ଷରୁ ଅଧିକ ହେବ ବୋଲି ସୂଚନା ମିଳିଛି । ଏହାସହ ବହୁ ଗୁରୁତ୍ବପୂର୍ଣ୍ଣ ତଥ୍ୟ ହାସଲ କରିଛି ପୋଲିସ୍ । ଗତକାଲି ଖଣି, ଗୋତସ୍କରି, ମୋରାମ ଚୋରାଚଳାଣର ମାଷ୍ଟର ମାଇଣ୍ଡ କୁହାଯାଉଥିବା ସଞ୍ଜୟ ଖୁଣ୍ଟିଆ ଗ୍ୟାଙ୍ଗକୁ ଠାବ କରିଥିଲା ଭୁବନେଶ୍ବର ପୋଲିସ । ଆଜି ସ୍ପେଶାଲ ସ୍କ୍ବାର୍ଡ ଓ ତମାଣ୍ଡୋ ପୋଲିସ ଏହି ଘଟଣାରେ ୪ ଜଣଙ୍କୁ ଗିରଫ କରିଥିବା ବେଳେ ବନ୍ଧୁକ, ଗୁଳି, ଦାମୀ କାର, ମୋବାଇଲ ଆଦି ଠାବ କରିଛି । ସେମାନଙ୍କ ଭିତରୁ ପ୍ରକାଶ ରାଉତରାୟଙ୍କ ଘରେ ଚଢା଼ଉ ଜାରି ରହିଛି ।
