କଟକ ବାଣ ଗୋଦାମ ଉପରେ ଚଢାଉ; ଲକ୍ଷାଧିକ ଟଙ୍କାର ବାଣ ଜବତ…

କଟକ: କରୋନା ଯୋଗୁ ରାଜ୍ୟରେ ବାଣ ବିକ୍ରି ଉପରେ କଟକଣା ଲାଗିଛି । ହେଲେ ରାଜ୍ୟରେ କ୍ରମାଗତ ଭାବେ ବାଣ ଗୋଦାମରୁ ବିପୁଳ ମାତ୍ରାରେ ବାଣ ଜବତ ହେଉଛି । ଏହି କ୍ରମରେ କଟକର ୩ଟି ସ୍ଥାନରୁ ବିପୁଳ ପରିମାଣପ ବାଣ ଜବତ ହୋଇଛି । କମିଶନରେଟ୍ ପୋଲିସ ବାଣ ଗୋଦାମ ଉପରେ ଚଢାଉ କରିଛି । କଟକ ଜଗତପୁରର ପଦ୍ମପୁର, ମାଜନପୁର ଓ ତ୍ରିଲୋଚନପୁରରେ ଥିବା ବାଣ ଗୋଦାମରୁ ଲକ୍ଷାଧିକ ଟଙ୍କାର ବାଣ ଜବତ ହୋଇଛି ।

ସଂପୃକ୍ତ ଘଟଣାରେ ପୋଲିସ ୩ ଜଣଙ୍କୁ ଅଟକ ରଖିଛି । ଉଲ୍ଲେଖଯୋଗ୍ୟ ଯେ, କଟକରୁ କ୍ରମାଗତ ଭାବେ ବାଣ ଗୋଦାମ ଉପରେ ଚଢାଉ ହେବା ବାଣ ଜବତ ହେଉଛି । କିଛି ଦିନ ତଳେ ୩ ଲକ୍ଷ ଟଙ୍କାର ବାଣ ଖାନନଗର ଅଞ୍ଚଳରୁ ଜବତ ହୋଇଥିଲା ।