ସଂସଦରେ ରାହୁଲ, ମଣିପୁର ସହ ପୁଣି ଆଦାନୀ ପ୍ରସଙ୍ଗରେ ଟାର୍ଗେଟ କରିବେ ରାହୁଲ

ନୂଆଦିଲ୍ଲୀ: ସଂସଦରେ ରାହୁଲ । ବିଜେପିକୁ ଡର । ଏବେ ଯାଏଁ ସାଂସଦରେ ବିରୋଧୀ କେବଳ ମଣିପୁର ପ୍ରସଙ୍ଗରେ ସରକାରଙ୍କୁ ଘେରୁଥିବା ବେଳେ ଆଜି ସଦନକୁ ଫେରି ପୁଣି ଥରେ ଆଦାନି ପ୍ରସଙ୍ଗ ଉଠାଇପାରନ୍ତି ରାହୁଲ । ବିରୋଧୀ ନେତାଙ୍କ ମଧ୍ୟରୁ ରାହୁଲ ଗାନ୍ଧୀ ପ୍ରଥମେ ମଣିପୁର ଯାଇ ପୀଡ଼ିତଙ୍କୁ ଭେଟିବା ସହ ରିଲିଫ କ୍ୟାମ୍ପ ଓ ରାଜ୍ୟର ସ୍ଥିତି ଅନୁଧ୍ୟାନ କରିଥିଲେ । ମଣିପୁରର ଗ୍ରାଉଣ୍ଡ ଜିରୋ ରିପୋର୍ଟ ଆଧାରରେ ସରକାରଙ୍କ ଉପରେ ହମଲା କରିବେ କଂଗ୍ରେସ ସାଂସଦ ରାହୁଲ ଗାନ୍ଧୀ । ବିଜେପିର ଶୀର୍ଷ ନେତା ସବୁସ୍ତରରେ ରାହୁଲ ଗାନ୍ଧୀଙ୍କୁ ସମାଲୋଚନା କରିବା ଦ୍ବାରା ରାହୁଲଙ୍କ ଇମେଜରେ ଅନେକ ସକାରାତ୍ମକ ପରିବର୍ତ୍ତନ ହୋଇଥିବା ପରିଲକ୍ଷିତ ହୋଇଛି ।

ଏହାଛଡ଼ା ଭାରତ ଯୋଡ ଯାତ୍ରା ପରେ ସାରାଦେଶରେ ରାହୁଲଙ୍କ ପଲିଟିକାଲ ଇମେଜ ବଦଳିଥିବା ବେଳେ ବିରୋଧୀଙ୍କ ଜଣେ ବଡ଼ ନେତା ଭାବେ ଉଭା ହୋଇଛନ୍ତି । ମଣିପୁର ହିଂସା ସ୍ଥିତି ନୁହ ଗୋଷ୍ଠୀ ବିବାଦ ପରେ ରାହୁଲଙ୍କ ମହବତ୍ କି ଦୁକାନ ନାରେଟିଭ ଅଧିକ ଗ୍ରହଣୀୟ ହେଉଥିବା ଦେଖାଯାଉଛି । ଏକାଧିକ ରାଜ୍ୟରେ ହିଂସା, ଗୋଷ୍ଠୀ ସଂଘର୍ଷ ବିରୋଧୀଙ୍କ ପାଇଁ ସବୁଠୁ ବଡ଼ ମୁଦ୍ଦା ପାଲଟିଛି । ସେହିପରି ପ୍ରଧାନମନ୍ତ୍ରୀ ଚେହେରା ଭାବେ ରାହୁଲଙ୍କ ଲୋକପ୍ରିୟତା ମଧ୍ୟ ବଢ଼ିଛି । ନିର୍ବାଚନୀ ବର୍ଷ ୨୦୧୪ରେ ରାହୁଲଙ୍କୁ ୧୪ ପ୍ରତିଶତ ପ୍ରଧାନମନ୍ତ୍ରୀ ଚେହେରା ଭାବେ ପସନ୍ଦ କରୁଥିବା ବେଳେ ୨୦୧୯ରେ ୨୪ ପ୍ରତିଶତ ଓ ୨୦୨୩ରେ ୨୭ ପ୍ରତିଶତ ଲୋକ ପସନ୍ଦ କରୁଛନ୍ତି ।