ରାହୁଲ ଗାନ୍ଧୀଙ୍କ ୱାୟନାଡ ସ୍ଥିତ କାର୍ଯ୍ୟାଳୟରେ ଭଙ୍ଗାରୁଜା

ୱାୟନାଡ:  କଂଗ୍ରେସ ନେତା ତଥା ୱାୟନାଡରୁ ସାଂସଦ ରାହୁଲ ଗାନ୍ଧୀଙ୍କ କେରଳର ୱାୟନାଡ କାର୍ଯ୍ୟାଳୟରେ କିଛି ଦୁର୍ବୁର୍ତ୍ତ ଭଙ୍ଗାରୁଜା କରିଛନ୍ତି । ତେବେ କଂଗ୍ରେସ ଭଙ୍ଗାରୁଜା ପଛରେ ଷ୍ଟୁଡେଣ୍ଟସ ଫେଡେରେସନ ଅଫ୍ ଇଣ୍ଡିଆ (ଏସଏଫଆଇ)ର ହାତ ଥିବା ଅଭିଯୋଗ କରିଛି  । ଖବର ସରବରାହ ସଂସ୍ଥା ଏଏନଆଇ ପକ୍ଷରୁ ଟ୍ୱିଟରରେ ଏକ ଭିଡିଓ ପୋଷ୍ଟ କରାଯାଇଛି  । ଯେଉଥିରେ ସ୍ପଷ୍ଟ ଜଣାପଡୁଛି କିଛି ଦୁର୍ବୁର୍ତ୍ତ କାର୍ଯ୍ୟାଳୟ ଭିତରେ ପସି ଭଙ୍ଗା ରୁଜା କରୁଥିବାର  ।

#WATCH | Kerala: Congress MP Rahul Gandhi's office in Wayanad vandalised.

Indian Youth Congress, in a tweet, alleges that "the goons held the flags of SFI" as they climbed the wall of Rahul Gandhi's Wayanad office and vandalised it. pic.twitter.com/GoCBdeHAwy

— ANI (@ANI) June 24, 2022

ଏସଏଫଆଇର କିଛି ସଦସ୍ୟ ହାତରେ ପତାକା ଧରି ଝରକା ଦେଇ କାର୍ଯ୍ୟାଳୟ ଭିତରେ ପସି ଭଙ୍ଗାରୁଜା କରିଥି୍ବା କଂଗ୍ରେସ କହିଛି  । କାର୍ଯ୍ୟାଳୟରେ କାର୍ଯ୍ୟ କରୁଥିବା କର୍ମଚାରୀଙ୍କୁ ମଧ୍ୟ ମାରପିଟ କରାଯାଇଥିବା କଂଗ୍ରେସ ଅଭିଯୋଗ ଆଣିଛି  । ଭଙ୍ଗାରୁଜା କଥା ପୋଲିସ ମଧ୍ୟ ସ୍ୱୀକାର କରିଛି  । ଅଭିଯୋଗ ଆଧାରରେ ତଦନ୍ତ ଆରମ୍ଭ କରିଦେଇଛି ପୋଲିସ  । ତେବେ କଣ ପାଇଁ ଏବଂ କେଉଁ ଉଦ୍ଦେଶ୍ୟରେ ସେମାନେ ଏପରି କରିଛନ୍ତି ତାହା ବର୍ତ୍ତମାନ ସୁଦ୍ଧା ସ୍ପଷ୍ଟ ଜଣା ପଡିନାହିଁ  । ଅନ୍ୟପକ୍ଷରେ କେରଳ ମୁଖ୍ୟମନ୍ତ୍ରୀ ପିନାରାୟୀ ବିଜୟାନ କହିଛନ୍ତି ହିଁସା ଘଟାଇଥିବା ଦୋଷୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ  ।