ଅସ୍ଥାୟୀ ଭାବେ ରାହୁଲ ଗାନ୍ଧୀଙ୍କ ଆକାଉଣ୍ଟକୁ ଲକ୍ କଲା ଟ୍ୱିଟର
1 min read
ନୂଆଦିଲ୍ଲୀ: କଂଗ୍ରେସ ପୂର୍ବତନ ଅଧ୍ୟକ୍ଷ ତଥା ସାଂସଦ ରାହୁଲ ଗାନ୍ଧୀଙ୍କ ବିରୋଧରେ ମାଇକ୍ରୋ ବ୍ଳଗିଂ ସାଇଟ ଟ୍ୱିଟର କାର୍ଯ୍ୟାନୁଷ୍ଠାନ । ଅସ୍ଥାୟୀ ଭାବେ ରାହୁଲଙ୍କ ଟ୍ୱିଟର ଆକାଉଣ୍ଟକୁ ଲକ୍ କରିଛି ଟ୍ୱିଟର । ଶ୍ରୀ ଗାନ୍ଧୀ ଦିଲ୍ଲୀ ପୁଷ୍କର୍ମ ପୀଡ଼ିତାଙ୍କ ପିତା ମାତାଙ୍କ ସହ ସାକ୍ଷାତବେଳର ଫଟୋକୁ ଟ୍ୱିଟରେ ସେୟାର କରିବା ନେଇ ଜାତୀୟ ଶିଶୁ ଅଧିକାର ସୁରକ୍ଷା ଆୟୋଗଙ୍କ ପକ୍ଷରୁ ଟ୍ୱିଟରକୁ ନୋଟିସ୍ ଜାରି କରାଯିବା ପରେ ରାହୁଲଙ୍କ ଆକାଉଣ୍ଟକୁ ଲକ୍ କରିଛି ଟ୍ୱିଟର ।
The account has been temporarily locked. https://t.co/MYqpC8OeIb
— Congress (@INCIndia) August 7, 2021
ଏ ନେଇ କଂଗ୍ରେସ ପକ୍ଷରୁ ସୂଚନା ଦିଆଯିବା ସହ ଆଗାମୀ ରାହୁଲ ଗାନ୍ଧୀ ଅନ୍ୟ ସୋସିଆଲ ମିଡିଆ ପ୍ଳାଟଫର୍ମ ଜରିଆରେ ଲୋକଙ୍କ ସହ ଯୋଡ଼ିହୋଇ ରହିବେ ବୋଲି କୁହାଯାଇଛି । ଏବଂ ଟ୍ୱିଟର ଆକାଉଣ୍ଟକୁ ସ୍ୱାଭାବିକ କରିବା ନେଇ ପ୍ରକ୍ରିୟା ଆରମ୍ଭ ହୋଇଥିବା କୁହାଯାଇଛି ।
ସୂଚନା ଯୋଗ୍ୟ, ଦିଲ୍ଲୀରେ ଦୁଷ୍କର୍ମ ପରେ ହତ୍ୟା କରାଯାଇଥିବା ୯ ବର୍ଷର ଦଳିତ ନାବାଳିକାର ପରିବାର ଲୋକଙ୍କୁ ଭେଟି ଟ୍ୱିଟରରେ ଏହାର ଫଟୋ ସେୟାର କରିଥିଲେ ରାହୁଲ । ଦୁଷ୍କର୍ମ ପୀଡିତା କି ତାଙ୍କ ପରିବାର ଲୋକଙ୍କ ପରିଚୟ ସାର୍ବଜନୀନ କରିବା ନେଇ ମାନ୍ୟବର ସୁପ୍ରିମକୋର୍ଟ କଟକଣା ଜାରି କରିଛନ୍ତି । ଏଭଳି କି ଏସମ୍ପର୍କିତ ଖବର ଖବର ପ୍ରସାରଣ ବେଳେ ସତର୍କତା ଅବଲମ୍ୱନ କରିବାକୁ କୁହାଯାଇଛି ।
