ବ୍ୟୁରୋ ରିପୋର୍ଟ: ପୁଣି କଂଗ୍ରେସ ନେତା ରାହୁଲ ଗାନ୍ଧୀ ଅଡୁଆରେ। ଆଜି ଆସାମ କ୍ରାଇମ ଇନଭେଷ୍ଟିଗେସନ ଡିପାର୍ଟମେଣ୍ଟ ବା ସିଆଇଡିରେ ହାଜର ହୋଇପାରନ୍ତି ରାହୁଲଙ୍କ ସମେତ ୧୧ କଂଗ୍ରେସ ନେତା। ଭାରତ ଯୋଡ ଯାତ୍ରାକୁ ନେଇ ୨୩ରେ ହାଜର ହେବା ଲାଗି ରାହୁଲ, କେ.ସି. ଭେନୁଗୋପାଲ, ଜିତେନ୍ଦ୍ର ସିଂ, ପିସିସି ସଭାପତି ଭୂପେନ ବୋରା, ଗୌରବ ଗୋଗଇ, ଦେବବ୍ରତ ସାଇକିଆ, ଜାକିର ହୁସେନ ପ୍ରମୁଖଙ୍କୁ ସମନ ଦେଇଥିଲା ସିଆଇଡି।
ସେହିପରି ଯୁବକଂଗ୍ରେସ ସଭାପତି ବି.ଭି ଶ୍ରୀନିବାସ, ଏନଏସୟୁଆଇ ଇନଚାର୍ଜ କହ୍ନେୟା କୁମାରଙ୍କୁ ବି ସମନ ଜାରି ହୋଇଛି। ଗତ ଜାନୁଆରୀ ୨୩ ତାରିଖରେ ରୁଜୁ ହୋଇଥିବା ମାମଲାରେ ଧାରା ୧୨୦ ଖ, ୧୪୨, ୧୪୭, ୨୮୩, ୨୫୩, ୩୩୨, ୧୮୮, ୪୨୭ ଅନୁସାରେ ମାମଲା ରୁଜୁ ହୋଇଥିଲା। ସର୍ବସାଧାରଣ ସମ୍ପତ୍ତି ଭଙ୍ଗାରୁଜା ନିରାକରଣ ଆଇନ ଅନୁସାରେ ସେମାନଙ୍କ ବିରୋଧରେ କବଶିଷ୍ଠ ପୋଲିସ ଷ୍ଟେସନରେ ମାମଲା ରୁଜୁ ହୋଇଛି। ଭାରତ ଯୋଡ ନ୍ୟାୟ ଯାତ୍ରା ବେଳେ ସଂଘର୍ଷ ଘଟାଇଥିବା ଅଭିଯୋଗ କ୍ରମେ ଏହି ମାମଲା ରୁଜୁ ହୋଇଥିଲା।
