ନୂଆଦିଲ୍ଲୀ: ନୂଆ କୃଷି ଆଇନ୍ ପ୍ରତ୍ୟାହାର ଦାବିରେ ଦିନକୁ ଦିନ ଆନ୍ଦୋଳନ ତେଜିବାରେ ଲାଗିଛି। କେନ୍ଦ୍ରକୁ ଘେରିବାକୁ କଂଗ୍ରେସ ପକ୍ଷରୁ ଏକପ୍ରକାର ଯୋଜନା କରାଯାଇଛି ।
ସୂଚନା ଅନୁସାରେ ଏହି ଆନ୍ଦୋଳନ ସମର୍ଥନରେ ରାସ୍ତାକୁ ଓହ୍ଲାଇବେ କଂଗ୍ରେସ ନେତା ରାହୁଲ ଗାନ୍ଧୀ। ଏଥିସହିତ ସେ ରାଷ୍ଟ୍ରପତି ଭବନ ପର୍ଯ୍ୟନ୍ତ ମାର୍ଚ୍ଚ କରିବେ। ତାଙ୍କ ସହ ଦଳର ବହୁ ବରିଷ୍ଠ ନେତା ମଧ୍ୟ ସାମିଲ ହେବେ।
ଏହି ମାର୍ଚ୍ଚରେ ଯାଇ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ଭେଟିବାର କାର୍ଯ୍ୟକ୍ରମ ରହିଛି। ତାଙ୍କ ସହ ଅନ୍ୟ ବିରୋଧୀ ଦଳର ବରିଷ୍ଠ ନେତା ମଧ୍ୟ ସାମିଲ ରହିବେ। ଏହାସହ ୨କୋଟି ଦସ୍ତଖତ ସମ୍ବଳିତ ସ୍ମାରକ ପତ୍ର ପ୍ରଦାନ କରାଯିବ ।
ସେପଟେ ଦିଲ୍ଲୀ ସୀମାରେ ଚାଷୀ ଆନ୍ଦୋଳନ ଆଜି ୨୯ ଦିନରେ ପହଞ୍ଚିଛି । ବାରମ୍ବାର ଆଲୋଚନା ଫେଲ୍ ମାରିବା ପରେ ଆନ୍ଦୋଳନକୁ ଜୋର୍ଦାର କରିଛନ୍ତି ଚାଷୀ । ସରକାର ଆଲୋଚନା ଚାହୁଁଥିବା ବେଳେ ଆଇନ ପ୍ରତ୍ୟାହାର ଦାବିରେ ଅଟଳ ରହିଛନ୍ତି ଚାଷୀ ।
