ପୁଣି ରାହୁଲ ଗାନ୍ଧୀ ହୋଇପାରନ୍ତି କଂଗ୍ରେସ ଅଧ୍ୟକ୍ଷ

ନୂଆଦିଲ୍ଲୀ: କଂଗ୍ରେସ ମୁଖିଆ ପରିବର୍ତ୍ତନ ନେଇ ପୁଣି ଦଳ ଭିତରେ ଝଡ । କିନ୍ତୁ ପଦବୀ ଆଉ କାହାକୁ ଦେବାକୁ ନୁହେଁ, ବଂର ପୂର୍ବରୁ ପଦ ସମ୍ଭାଳିଥିବା ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ ନେଇ । ରାଜଧାନୀର ୧୦ ଜନପଥ ଅଞ୍ଚଳରେ ରହିଥିବା ସୋନିଆ ଗାନ୍ଧୀଙ୍କ ବାସ ଭବନରେ ଆଜି ବସିଛି କଂଗ୍ରେସର ବରିଷ୍ଠ ନେତାଙ୍କ ବୈଠକ । ଦୀର୍ଘ ପାଞ୍ଚ ଘଣ୍ଟାର ବୈଠକରେ ଉପସ୍ଥିତ ନେତା ନିଜ ନିଜର ମତ ପ୍ରକାଶ କରିଥିଲେ । କିନ୍ତୁ ରାହୁଲ ଗାନ୍ଧୀଙ୍କୁ ପୁଣି ଥରେ ଦଳର ମଙ୍ଗୁଆଳ କରିବା ନେଇ ଦାବି ବାଢିଥିଲେ ଅନେକ ନେତା ।

ପୂର୍ବରୁ ଗତ ଶନିବାର ଏନେଇ କଂଗ୍ରେସ କାର୍ଯ୍ୟକାରିଣୀ ବୈଠକ ବସିଥିଲା । ଯେଉଁଥିରେ ଦଳର ଅଧ୍ୟକ୍ଷ ପରିବର୍ତ୍ତନ ନେଇ ହୋଇଥିଲା ଆଲୋଚନା । ପୁନର୍ବାର ଆଜି ଏନେଇ ସୋନିଆଗାନ୍ଧୀଙ୍କ ବାସଭବନରେ ବୈଠକ ଅନୁଷ୍ଠିତ ହୋଇଛି । କଂଗ୍ରେସ ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧୀଙ୍କ ସ୍ଥାନରେ ସ୍ଥାୟୀ ଅଧ୍ୟକ୍ଷ ଭାବେ ସାଂସଦ ରାହୁଲ ଗାନ୍ଧୀଙ୍କୁ ନିଯୁକ୍ତ କରିବା ନେଇ ଦାବି ଉଠିଛି । ଏନେଇ ରାହୁଲ ଗାନ୍ଧୀ କହିଛନ୍ତି କଂଗ୍ରେସ କାର୍ଯ୍ୟକାରିଣୀଙ୍କ ନିଷ୍ପତ୍ତିକୁ ଅପେକ୍ଷା ।