ଭାରତୀୟ ଦଳର କୋଚ୍ ପଦ ପାଇଁ ଆବେଦନ କଲେ ରାହୁଲ ଦ୍ରାବିଡ: ଲକ୍ଷ୍ମଣ ହୋଇପାରନ୍ତି ଏନସିଏ ମୁଖ୍ୟ

ନୂଆଦିଲ୍ଲୀ: ଭାରତୀୟ ଦଳର ମୁଖ୍ୟ କୋଚ୍ ପଦବୀ ପାଇଁ ଆବେଦନ କରିଛନ୍ତି ଜାତୀୟ ଦଳର ପୂର୍ବତନ ଅଧିନାୟକ ରାହୁଲ ଦ୍ରାବିଡ । ସେ ବର୍ତ୍ତମାନ ଜାତୀୟ କ୍ରୀଡ଼ା ଏକାଡେମୀ ମୁଖ୍ୟ ଭାବେ ଦାୟିତ୍ୱ ତୁଲାଉଥିବା ବେଳେ ଶ୍ରୀଲାଙ୍କା ଗସ୍ତ ବେଳେ ଜାତୀୟ ଦଳର କୋଚ୍ ଭାବେ ମଧ୍ୟ ଦାୟିତ୍ୱ ତୁଲାଇଥିଲେ । ବିଶ୍ୱକପ୍ ବିଜୟୀ ଅଣ୍ଡର-୧୯ ଦଳର ମଧ୍ୟ କୋଚ୍ ଥିଲେ ରାହୁଲ ଦ୍ରାବିଡ ।

ତେବେ ବର୍ତ୍ତମାନ ଭାରତୀୟ ଦଳର କୋଚ୍ ଥିବା ରବି ଶାସ୍ତ୍ରୀଙ୍କ କାର୍ଯ୍ୟକାଳ ସରିଆସୁଥିବା ବେଳେ ରାହୁଲ ଦ୍ରାବିଡଙ୍କ ନାଁକୁ ନେଇ ଚର୍ଚ୍ଚା ହେଉଥିଲା । ସେ କୋଚ୍ ହେବ ନେଇ ମଧ୍ୟ ଏକ ପ୍ରକାର ନିଶ୍ଚିତ ଥିବା ବେଳେ ସୌଜନ୍ୟତା ପୂର୍ବକ କୋଚ୍ ପଦବୀ ପାଇଁ ଆବେଦନ କରିଛନ୍ତି । ଅପରପକ୍ଷରେ ସେ ଜାତୀୟ ଦଳର କୋଚ୍ ହେବା ପରେ ଜାତୀୟ କ୍ରୀଡ଼ା ଏକାଡେମୀ ପଦବୀ ଖାଲି ପଡ଼ିବ । ତାଙ୍କ ସ୍ଥାନ ପୂର୍ବତନ ଭାରତୀୟ ବ୍ୟାଟ୍ସମ୍ୟାଚ୍ ଭି.ଭି.ଏସ୍ ଲକ୍ଷ୍ମଣ ନେବେ ବୋଲି ଚର୍ଚ୍ଚ ହେଉଛି ।

ସୂଚନା ଯୋଗ୍ୟ ଯେ, ଜାତୀୟ ଦଳର କୋଚ୍ ଭାବେ ଶ୍ରୀଲାଙ୍କ ଗସ୍ତ ସାରିବା ପରେ ରାହୁଲ ଦ୍ରାବିଡଙ୍କ ସହ ବିସିସିଆଇ ସଭାପତି ସୌରଭ ଗାଙ୍ଗୁଲି ଏବଂ ସମ୍ପାଦକ ଜୟ ଶାହ କଥା ହୋଇଥିଲେ । ଏବଂ ମୁଖ୍ୟ କୋଚ୍ ପଦ ପାଇଁ ଅଫର କରିଥିଲେ । ଏବଂ ସେଥିରେ ସେ ରାଜି ହୋଇଥିବା ଜଣାପଡ଼ିଛି ।

ଏଥିସହିତ ପଢ଼ନ୍ତୁ: କ’ଣ ପାଇଁ ଭାରତୀୟ କ୍ରିକେଟ୍ ପ୍ରେମୀ ଆଜି ଚାହିଁବେ ପାକିସ୍ତାନ ନ୍ୟୁଜଲାଣ୍ଡ ଉପରେ ବିଜୟ ପାଉ ?