ଦର୍ଶକ ଡବଲ ମିନିଙ୍ଗ ଗୀତ ପସନ୍ଦ କରନ୍ତି, ଭଜନରେ ୪୦୦ ଭ୍ୟୁ ମଧ୍ୟ ଆସେନି : ରାଗିଣୀ ବିଶ୍ୱକର୍ମା
ନନ୍ଦିଘୋଷ ବ୍ୟୁରୋ: ରାଗିଣୀ ବିଶ୍ୱକର୍ମା ଜଣେ ଭୋଜପୁରୀ ଗାୟିକା । ନିକଟରେ ପ୍ରସିଦ୍ଧ ରାପର୍ ହନି ସିଂହ ରାଗିଣୀଙ୍କୁ ତାଙ୍କ ଆଲବମ୍ ମାନିଆକରେ ଗାଇବାର ସୁଯୋଗ ଦେଇଛନ୍ତି । ଇଣ୍ଟରନେଟରେ ଭାଇରାଲ ହୋଇଥିବା ଏହି ଗୀତଟି ରାଗିଣୀଙ୍କ କ୍ୟାରିୟରକୁ ଭଲ ମାଇଲେଜ ଦେବା ସହିତ ଚର୍ଚ୍ଚିତ କରାଇଛି । କିନ୍ତୁ ଏହି ଗୀତ ଯୋଗୁଁ ଗୋରଖପୁରର ଏହି ଗାୟିକାଙ୍କୁ ମଧ୍ୟ ସମାଲୋଚନାର ଶିକାର ହେବାକୁ ପଡୁଛି । ରାଗିଣୀ ବିଶ୍ୱକର୍ମା ନିଜର ଡୁଆଲ ମିନିଙ୍ଗ ଗୀତ ପାଇଁ ବେଶ ପ୍ରସିଦ୍ଧ । ତାଙ୍କ ଗୀତରେ ଶବ୍ଦଗୁଡ଼ିକ ଅଶ୍ଳୀଳତାରେ ପରିପୂର୍ଣ୍ଣ । ତେବେ ନିକଟରେ ଏକ ଇଣ୍ଟରଭ୍ୟୁ ମାଧ୍ୟମରେ ତାଙ୍କୁ ସମାଲୋଚନା କରୁଥିବା ଲୋକଙ୍କୁ ଉପଯୁକ୍ତ ଜବାବ ଦେଇଛନ୍ତି । ତାଙ୍କ କହିବାନୁସାରେ ଟ୍ରେଣ୍ଡିଂ କରୁଥିବା ତାଙ୍କର ମାନିଆକ୍ ଗୀତକୁ ଯେଉଁ ଲୋକ ମାନେ ପସନ୍ଦ କରୁଛନ୍ତି ସେମାନେ ତାଙ୍କର ଭଜନ ଗୁଡିକୁ ଅଣଦେଖା କରନ୍ତି ।
ରାଗିଣୀଙ୍କ ଅନୁସାରେ ସେ ଭଜନ ମଧ୍ୟ ଗାଇଛନ୍ତି । ସେ କହିଛନ୍ତ ମୋର ଏହି ଭଜନ କିଛି ଦିନ ପୂର୍ବରୁ ମୁକ୍ତିଲାଭ କରିଛି । ମୁଁ ଚାହେଁ ଲୋକମାନେ ମଧ୍ୟ ତାହା ଦେଖନ୍ତୁ। କିନ୍ତୁ ଯଦି ଆପଣ ସେହି ଭିଡିଓଟିକୁ ଯାଇ ଦେଖନ୍ତି, ତେବେ ଏହାକୁ ୪୦୦ ଥର ମଧ୍ୟ ଦେଖାଯାଇ ନାହିଁ । ଏବେ ଯେଉଁମାନେ ମୋ ଆଡ଼କୁ ଆଙ୍ଗୁଠି ଦେଖାଉଛନ୍ତି ସେମାନେ ଏହି ଜିନିଷ ଦେଖି ପାରୁନାହାଁନ୍ତି କି ? ଲୋକମାନେ ଯଦି ମୋର ସେହି ଗୀତ ଦେଖୁଥାଆନ୍ତେ, ଭଲପାଇବା ଦେଇଥାଆନ୍ତେ, ଆଶୀର୍ବାଦ କରିଥାଆନ୍ତେ ଏବଂ ସେହି ଭଜନକୁ 10 ମିଲିୟନ, 50 ମିଲିୟନ ଭ୍ୟୁ ମିଳିଥାଆନ୍ତେ ତେବେ ମୋତେ ଏଭଳି ଗୀତ ତିଆରି କରିବାର କ’ଣ ଆବଶ୍ୟକତା ଅଛି ? ଯଦି ଲୋକମାନେ ମୋର ଭଲ ଗୀତଗୁଡ଼ିକୁ ସମର୍ଥନ କରିଥାଆନ୍ତେ ତେବେ ମୁଁ ମଧ୍ୟ ଖୁସିରେ ସେହି ଗୀତଗୁଡ଼ିକ ଗାଇଥାଆନ୍ତି ।
ଭଜନ ଭିଡିଓରେ କୌଣସି ଭ୍ୟୁ ନାହିଁ
ରାଗିଣୀ ଆହୁରି ମଧ୍ୟ କହିଛନ୍ତି, “ମନୋରଞ୍ଜନ ପାଇଁ ଡବଲ ମିନିଙ୍ଗ ଗୀତ ଆସୁଛି ଲୋକମାନେ ଏହିଭଳି ଗୀତ ଦେଖିବାକୁ ପସନ୍ଦ କରୁଛନ୍ତି । ଏବେ ଦେଖନ୍ତୁ, ଏଭଳି ଗୀତକୁ ଲୋକମାନେ ଏତେ ସମର୍ଥନ କରୁଛନ୍ତି କି ଆମର ଗୀତ ଟ୍ରେଣ୍ଡିଂରେ ଅଛି ଯାହାର ଅର୍ଥ ହେଉଛି ଲୋକମାନେ ଏହାକୁ ପସନ୍ଦ କରୁଛନ୍ତି । ସେ ଏହିଭଳି ଗୀତଗୁଡ଼ିକୁ ପସନ୍ଦ କରୁଛନ୍ତି। ସେଥିପାଇଁ ସେମାନେ ଏହାକୁ ଦେଖୁଛନ୍ତି। ମୁଁ ଅନୁରାଗ ମ୍ୟୁଜିକ୍ ଏବଂ ରାଗିଣୀ ମ୍ୟୁଜିକ୍ ରେ ଭଜନ ମଧ୍ୟ ଗାଇଛି, କିନ୍ତୁ ସେଗୁଡ଼ିକୁ ୨୦୦ ରୁ ୪୦୦ ଭ୍ୟୁ ମଧ୍ୟ ମିଳିନାହିଁ। ତେବେ ଆମେ ଏବେ କ’ଣ କରିବା ଉଚିତ ?”
ଭୁଲ ପାଇଁ କ୍ଷମା ମାଗିଲେ
ଏହା ସହିତ ରାଗିଣୀ କହିଛନ୍ତି ଯେ, ମୁଁ ସ୍ୱୀକାର କରୁଛି ଯେ ମୁଁ କିଛି ଭୁଲ କରିଛି, ମୁଁ ହୃଦୟରୁ ସେଗୁଡ଼ିକ ପାଇଁ କ୍ଷମା ପ୍ରାର୍ଥନା କରୁଛି । ମୁଁ ତୁମ ସମସ୍ତଙ୍କ ଠାରୁ ବହୁତ ଛୋଟ ଏବଂ ଛୋଟ ରହିବି। ତୁମ ସମସ୍ତଙ୍କ ଭଲପାଇବା ଯୋଗୁଁ ମୁଁ ଏଠାକୁ ପହଞ୍ଚିପାରିଛି । ଜନତା ମୋ ସହିତ ଅଛନ୍ତି ଏବଂ ମୋର ସେମାନଙ୍କ ଉପରେ ପୂର୍ଣ୍ଣ ବିଶ୍ୱାସ ଅଛି । ସେମାନେ ମୋ ତରଫରୁ ସମସ୍ତଙ୍କୁ ଉତ୍ତର ଦେଉଛନ୍ତି।
