ରାଜଧାନୀରେ ପୁଣି ରାଗିଂ, ମଦ ପିଇବାକୁ ଟଙ୍କା ନଦେବାରୁ ମାଡ଼ ମାରିଲେ ୩ ସିନିୟର

ଭୁବନେଶ୍ୱର: ରାଜଧାନୀରେ ଛାତ୍ରଙ୍କୁ ରାଗିଂ ଅଭିଯୋଗ । ବେସିକ ସାଇନ୍ସ କଲେଜରେ ରାଗିଂକୁ ନେଇ ଏତଲା । ଖଣ୍ଡଗିରି ଥାନାରେ ଏତଲା ଦେଲେ ଛାତ୍ର ସୋମନାଥ ସେଠୀ । ସୋମନାଥ ଯୁକ୍ତ ୩ ଦ୍ଵିତୀୟ ବର୍ଷର ଛାତ୍ର । ୩ ଜଣ ସିନିୟର ଛାତ୍ର ତାଙ୍କୁ କାଠ ଫାଳିଆରେ ମାରିଥିବା ଅଭିଯୋଗ ହୋଇଛି । ମଦ ପିଇବାକୁ ଟଙ୍କା ନଦେବାରୁ ନିର୍ଦ୍ଧୁମ ମାଡ଼ ମାରିଥିବା ଅଭିଯୋଗ ହୋଇଛି । ଏହାସହ ଅଧ ଘଣ୍ଟା ବସ ଉଠ କରାଇବା ଭଳି ସାଙ୍ଘାତିକ ଅଭିଯୋଗ ରହିଛି । ସୋମନାଥଙ୍କ ଶରୀରରେ ଲାଗିଛି ଗଭୀର ଆଘାତ ।

ଏଗ୍ରିକଲଚର ବିଭାଗ ପିଲା ବେସିକ ସାଇନ୍ସ ପିଲାକୁ ମାରିଥିବା ଅଭିଯୋଗ ହୋଇଛି । ସିନିୟରଙ୍କ ସହ ଏଗ୍ରିକଲଚର ଓ ପାସ୍ ଆଉଟ ପିଲା ମଧ୍ୟ ଥିବା ସୂଚନା ମିଳିଛି । ତେବେ ସୋମନାଥ ଅଭିଯୋଗ କରିବା ପରେ ଖଣ୍ଡଗିରି ଥାନା ପକ୍ଷରୁ ତଦନ୍ତ ଆରମ୍ଭ ହୋଇଛି ।