ରଘୁବଂଶ ବାବୁଙ୍କୁ ଶ୍ରଦ୍ଧାଞ୍ଜଳି ଦେବା ପାଇଁ ଏୟାରପୋର୍ଟରେ ପହଞ୍ଚିଲା RJD, ପରିବାର ଲୋକେ କଲେ ବାରଣ

ପାଟଣା: ପୂର୍ବ କେନ୍ଦ୍ରୀୟ ମନ୍ତ୍ରୀ ରଘୁବଂଶ ପ୍ରସାଦ ସିଂହଙ୍କ ପାର୍ଥିକ ଶରୀର ରବିବାର ସନ୍ଧ୍ୟାରେ ଏୟାରପୋର୍ଟରେ ପହଞ୍ଚିଥିଲା । ମରଶରୀର ଏୟାରପୋର୍ଟରେ ପହଞ୍ଚିବା ପୂର୍ବରୁ ହିଁ ରଘୁବଂଶ ପ୍ରସାଦ ସିଂହଙ୍କ ପରିବାର ଲୋକେ ସେଠାରେ ଉପସ୍ଥିତ ଥିଲେ । ଏୟାରପୋର୍ଟରେ ରାଷ୍ଟ୍ରୀୟ ଜନତା ଦଳ ଆରଜେଡି ନେତା ମଧ୍ୟ ପହଞ୍ଚିଥିଲେ । କିନ୍ତୁ ରଘୁବଂଶ ପ୍ରସାଦ ସିଂହଙ୍କ ପରିବାର ଲୋକେ ଶ୍ରଦ୍ଧାଞ୍ଜଳି ଦେବାକୁ ବାରଣ କରିଥିଲେ ।

            ରଘୁବଂଶ ପ୍ରସାଦଙ୍କ ପାର୍ଥିକ ଶରୀର ରବିବାର ସନ୍ଧ୍ୟା ୪ଟାରେ ଏମ୍ସଠାରୁ ନୂଆ ଦିଲ୍ଲୀ ଏୟାରପୋର୍ଟ ନିଆଯାଇଥିଲା । ଏଠାରୁ ସନ୍ଧ୍ୟା ସାଢ଼େ ୫ରେ ଇଣ୍ଡିଗୋ ବିମାନ ଯୋଗେ ପାଟଣା ଆଣାଯାଇଥିଲା । ଏଠାରୁ ତାଙ୍କ ମରଶରୀରକୁ ୧୪୩ ଏମ୍ଏଲ୍ଏ କଲୋନୀ କୌଟଲ୍ୟ ନଗର ନିଆଯାଇଛି । ରବିବାର ରାତିରେ କୌଟଲ୍ୟ ନଗରରେ ହିଁ ମରଶରୀରକୁ ରଖାଯିବ । ମୁଖ୍ୟମନ୍ତ୍ରୀ ନୀତିଶ କୁମାର ମରଶରୀରକୁ ଶ୍ରଦ୍ଧାଞ୍ଜଳି ଦେବେ ।

ଏମିତି ଥିଲେ ରଘୁବଂଶ ପ୍ରସାଦ ସିଂ, ଚାଟୁକାରିତା ନୁହେଁ ସ୍ପଷ୍ଟବାଦିତାରେ କରୁଥିଲେ ବିଶ୍ୱାସ

ସୋମବାରର କାର୍ଯ୍ୟକ୍ରମ

ସୋମବାର ସାଢ଼େ ୯ଟାରେ ପାଟଣା ସ୍ଥିତ କୌଟଲ୍ୟ ନଗରରୁ ରଘୁବଂଶ ପ୍ରସାଦ ସିଂହଙ୍କ ପାର୍ଥୀବ ଶରୀରକୁ ହଜିପୁର ଲାଲଗଞ୍ଜ ବଜାର ହେଇ ବୈଶାଳି ଗଢ଼ ନିଆଯିବ । ଏଠାରେ ପାର୍ଥୀବ ଶରୀରର ଶେଷ ଦର୍ଶନ ପାଇଁ ରଖାଯିବ । ସେଠାରୁ ହଜିପୁର ଏବଂ ଜଢ଼ୁଆ ବଜାର ହୋଇ ପୈତୃକ ଆବାସ ପାନାପୁର ପହେମି ଆଡ଼େ ଯାତ୍ରା ଆରମ୍ଭ ହେବ