ଭାରତ ଆସୁଛି ରାଫେଲ,ମଝି ଆକାଶରେ ଏମିତି ଭରିଲା ଇନ୍ଧନ

ଫାଇଟର ଜେଟ୍ ରାଫେଲ ଭାରତରେ ଆସନ୍ତାକାଲି ପହଂଚିବ । ରାଫେଲ ବିମାନ ଗତକାଲି ଫ୍ରାନ୍ସରୁ ଉଡାଣ ଭରିଥିଲା । ଅତ୍ୟାଧୁନିକ ଏହି ବିମାନର ପାକିସ୍ତାନ କିମ୍ବା ଚୀନ ପାଖରେ କୌଣସି ଉତ୍ତର ନାହିଁ ବୋଲି କୁହାଯାଉଛି ।  ଏହି ବିମାନ ଭାରତକୁ ଆସୁଥିବା ବେଳେ ମଝି ଆକାଶରେ ଇନ୍ଧନ ଭରିଥିଲା । ରାଫେଲକୁ ଲଗାତର ଉଡିବାକୁ ହେଲେ ଇନ୍ଧନ ଭର୍ତ୍ତି କରିବାକୁ ତଳକୁ ଓହ୍ଲାଇବାକୁ ପଡିବ ନାହିଁ । ଏହା ମଝି ଆକାଶରେ ଇନ୍ଧନ ଭର୍ତ୍ତି କରିପାରିବ । ୩୦ ହଜାର ଫୁଟ ଉପରେ ରାଫେଲ ଇନ୍ଧନ ଭରୁଥିବାର କିଛି ଫଟୋକୁ ଭାରତୀୟ ବାୟୁସେନା ପକ୍ଷରୁ ଜାରି କରାଯାଇଛି ।

Few shots from 30,000 feet! Mid air refuelling of #RafaleJets on their way to #India@IAF_MCC @French_Gov @FranceinIndia @MEAIndia @IndianDiplomacy @DDNewslive @ANI @DefenceMinIndia @Armee_de_lair @JawedAshraf5 pic.twitter.com/VE7lJUcZe7

— India in France (@IndiaembFrance) July 28, 2020

ଚିତ୍ରରେ ଦେଖନ୍ତୁ କେମିତି ରାଫେଲରେ ଇନ୍ଧନ ଭର୍ତ୍ତି କରାଯାଉଛି । ଭାରତ ମୋଟ ୩୬ ରାଫେଲ ବିମାନ ପାଇଁ ଫ୍ରାନ୍ସ ସହ ଚୁକ୍ତି କରିଛି । ଏହା ମଧ୍ୟରୁ ୫ଟି ଆସନ୍ତାକାଲି ଅମ୍ବାଲା ବିମାନଘାଟିରେ ଲ୍ୟାଣ୍ଡ୍ କରିବେ । ଭାରତ ଏଥିପାଇଁ ୫୯ ହଜାର କୋଟି ଟଙ୍କା ପୈଠ କରିବ ।

ଆଜିର ସମୟରେ ଗୋଟିଏ ଯୁଦ୍ଧ ବିମାନ ପାଇଁ ଯେଉଁସବୁ ବୈଷିଷ୍ଟ୍ୟ ଜରୁରୀ ତାହା ରାଫେଲରେ ରହିଛି । ଏହା ୬୦ କିଲୋମିଟର ଦୁରରୁ ଏକାଥରକେ ଶହେ ଯୁଦ୍ଧ ବିମାନକୁ ନିଶାନାରେ ନେଇପାରେ । ଏଥିରେ ଲାଗିଥିବା ଅତ୍ୟାଧୁନିକ ଅସ୍ତ୍ର ଓ ରାଡାର ଶତ୍ରୁକୁ ଆକ୍ରମଣ କରିବାର ମୌକା ଦିଏନାହିଁ ।

ରାଫେଲ ଆକାଶରେ ଇନ୍ଧନ ଭର୍ତି କରିବାର କ୍ଷମତା ରଖେ । ୭ ହଜାର କିଲୋମିଟରର ଯାତ୍ରା ମଧ୍ୟରେ ଏହି  ୫ ବିମାନ କେବଳ ୟୁଏଇର ଆବୁଧାବି ନିକଟରେ ଲ୍ୟାଣ୍ଡିଂ କରିବେ । ଗୋଟିଏ ଷ୍ଟପେଜ୍ ପରେ ବିମାନ ସିଧା ଅମ୍ବାଲାରେ ଆସି ପହଂଚିବ ।