ରାଫେଲ ଜେଟ୍ ଏବଂ ପ୍ୟାନ୍ଥର ହେଲିକପ୍ଟର ଉପରେ ଭାରତକୁ ଫ୍ରାନ୍ସର ବଡ଼ ଅଫର

ନୂଆଦିଲ୍ଲୀ: ପ୍ରତିରକ୍ଷା କ୍ଷେତ୍ରରେ ପରସ୍ପର ସହ ସହଯୋଗ କରିବାକୁ ଭାରତ ଏବଂ ଫ୍ରାନ୍ସ ମିଳିତ ଭାବେ ପଦକ୍ଷେପ ନେଇଛନ୍ତି । ରାଫାଲ ଜେଟ ଏବଂ ପାନ୍ଥର୍ ହେଲିକପ୍ଟରରେ ଫ୍ରାନ୍ସ ଭାରତକୁ ଏକ ବଡ ଅଫର ଦେଇଛି । ବର୍ତ୍ତମାନ ଫ୍ରାନ୍ସର ପାନ୍ଥର୍ ମିଡିୟମ ୟୁଟିଲିଟି ହେଲିକପ୍ଟର ଗୁଡିକ ଭାରତରେ ଶତ ପ୍ରତିଶତ Assemble କରାଯିବ ।

ଏହା ବ୍ୟତୀତ ରାଫେଲ ଯୁଦ୍ଧ ବିମାନର Assembly Line କୁ କେବଳ ଭାରତରେ ୭୦ ପ୍ରତିଶତ ପର୍ଯ୍ୟନ୍ତ ସ୍ଥାନାନ୍ତର କରାଯାଇପାରିବ । ଏହା ଭାରତର ‘ମେକ୍ ଇନ୍ ଇଣ୍ଡିଆ’ ଅଭିଯାନକୁ ଆଗକୁ ନେବାରେ ସାହାଯ୍ୟ କରିବ । ଗଣମାଧ୍ୟମର ରିପୋର୍ଟ ଅନୁଯାୟୀ, ଉଭୟ ଦେଶରେ ଟେକ୍ନୋଲୋଜି ସ୍ଥାନାନ୍ତର ଉପରେ ଆଲୋଚନା ହୋଇଛି ।

ସୂଚନା ଅନୁଯାୟୀ ଗତ ସପ୍ତାହରେ ଫ୍ରାନ୍ସ ରାଷ୍ଟ୍ରପତି ଇମାନୁଏଲ୍ ମାକ୍ରୋନଙ୍କ କୂଟନୈତିକ ବ୍ୟାପାର ପରାମର୍ଶଦାତା ଇମାନୁଏଲ୍ ବୋନ୍ ଭାରତ ଏବଂ ଫ୍ରାନ୍ସ ମଧ୍ୟରେ ବାର୍ଷିକ ରଣନୀତିକ କଥାବାର୍ତ୍ତା ପାଇଁ ଦିଲ୍ଲୀ ଆସିଥିଲେ । ଏହି ସମୟ ମଧ୍ୟରେ ଦୁଇ ଦେଶ ମଧ୍ୟରେ ପ୍ରତିରକ୍ଷା ସହଯୋଗ ଉପରେ ଆଲୋଚନା ହୋଇଥିଲା ।

ଇଂରାଜୀ ଖବରକାଗଜ ହିନ୍ଦୁସ୍ତାନ ଟାଇମ୍ସ ଅନୁଯାୟୀ ଭାରତ ଫ୍ରାନ୍ସରୁ ଅଧିକ ରାଫେଲ ଜେଟ କିଣିପାରେ । ବାସ୍ତବରେ, ଭାରତରେ ଏହାକୁ Assemble କରିବା ଦ୍ୱାରା ଏହାର ମୂଲ୍ୟ ଯଥେଷ୍ଟ ହ୍ରାସ ପାଇବ ।