ଆଉନାହାନ୍ତି ପୂର୍ବତନ ଶ୍ରୀମନ୍ଦିର ପ୍ରଶାସକ ରବୀନ୍ଦ୍ର ନାରାୟଣ ମିଶ୍ର

ପୁରୀ : ଆଉନାହାନ୍ତି ପୂର୍ବତନ ଶ୍ରୀମନ୍ଦିର ପ୍ରଶାସକ ରବୀନ୍ଦ୍ର ନାରାୟଣ ମିଶ୍ର । ୮୭ବର୍ଷ ବୟସରେ ଗବେଷକ ରବୀନ୍ଦ୍ର ନାରାୟଣଙ୍କ ପରଲୋକ ହୋଇଛି । ଶ୍ରୀଜଗନ୍ନାଥ ସଂସ୍କୃତି, ଚେତନା ଉପରେ ସେ ୭ଟି ପୁସ୍ତକ ଲେଖିଛନ୍ତି । ଶ୍ରୀଜଗନ୍ନାଥ ସଂସ୍କୃତି ଗବେଷକ ଥିଲେ ରବୀନ୍ଦ୍ର ନାରାୟଣ ମିଶ୍ର  । ଆକାଶ ଦୀପ ପୁସ୍ତକ ରଚନା କରିଥିଲେ ରବୀନ୍ଦ୍ର ନାରାୟଣ । ତାଙ୍କର ପୁସ୍ତକଗୁଡିକ ହେଉଛି-କଥାନୁଭୂତିରେ ଶ୍ରୀଜଗନ୍ନାଥ, କଥା ଅମୃତରେ ଶ୍ରୀଜଗନ୍ନାଥ, କଥା କୈବଲ୍ୟରେ ଶ୍ରୀଜଗନ୍ନାଥ, ବେଦର ମହିମା ଓ ଜଗନ୍ନାଥ’ ଇତ୍ୟାଦି ।  ‘କଥାଟିଏ କହୁ’ର ସ୍ତମ୍ଭକାର ଥିଲେ ରବୀନ୍ଦ୍ର ନାରାୟଣ । ସେ ରାଜ୍ୟର ଜଣେ ଶ୍ରେଷ୍ଠ ପ୍ରାବନ୍ଧିକ ଥିବା ସହ ରାଜ୍ୟ ଓ ରାଜ୍ୟ ବାହାରେ ଜଗନ୍ନାଥ ସଂସ୍କୃତିର ପ୍ରଚାର ଓ ପ୍ରସାର କରିବାରେ ପ୍ରମୁଖ ଭୂମିକା ଗ୍ରହଣ କରିଥିଲେ । ତାଙ୍କର ବିୟୋଗ ରାଜ୍ୟର ପ୍ରତ୍ୟେକ ଜଗନ୍ନାଥ ଭକ୍ତଙ୍କ ଲାଗି ଅପୂରଣୀୟ କ୍ଷତି । ଜଗନ୍ନାଥ ସମ୍ପର୍କରେ ଅନେକ ରଚନା ଅମୂଲ୍ୟ ସାରସ୍ବତ କୃତି ।