ସୁବର୍ଣ୍ଣପୁର : କୁଆଡେ ଚାଲିଯାଇଛି ପୁଅ। ପରିବାର ଲୋକେ ଖୋଜି ଖୋଜି ନୟାନ୍ତ ହେଲେଣି କିନ୍ତୁ କୌଣସି ପତ୍ତା ମିଳୁନି। ସୁବର୍ଣ୍ଣପୁର କଳାପଥର ଗାଁର ରବୀନ୍ଦ୍ର ଭୋଇ ଘରୁ କୁଆଡେ ଚାଲିଯାଇଛନ୍ତି। ଘରେ ବାପା ମାଆ ପତ୍ନୀ ଏବଂ ପିଲା ତାଙ୍କୁ ଖୋଜି ଖୋଜି ନାକେଦମ ହେଲେଣି। ଗତ ୩ ତାରିଖରୁ ସେ ଗାୟବ ଥିବା ବେଳେ ଏନେଇ ଥାନାରେ ଅଭିଯୋଗ ହୋଇଥିଲା। ଏଯାଏଁ ପୁଅର କୌଣସି ଖୋଜ ଖବର ମିଳିପାରିନଥିବା ବେଳେ, ପୁଅର ବାଟକୁ ଚାହିଁ ସେମିତି ରହିଛି ପରିବାର।
ରବୀନ୍ଦ୍ର ଏବେ କେଉଁଠି, କେଉଁ ଅବସ୍ଥା ରେ ଅଛନ୍ତି, କାହିଁକି ଘର ଛାଡିଲେ ସେ ବିଷୟରେ କେହି ଜାଣିନାହାନ୍ତି। ପରିବାର ଲୋକେ ନିଜ ସମ୍ପର୍କୀୟ ଓ ଅନ୍ୟାନ୍ୟ ଜାଗାରେ ଖୋଜା ଖୋଜି ପରେ ଜିଲ୍ଲା ପ୍ରଶାସନର ସହାୟତା ନେଇଛନ୍ତି। ପୋଲିସ ଖୋଜାଖୋଜି ଜାରି ରଖିଛି ବୋଲି କହିଛି। ରବୀନ୍ଦ୍ରଙ୍କ ଫେରିବା ବାଟକୁ ଚାତକ ପରି ଚାହିଁ ଥିବା ପରିବାର ଭଗବାନଙ୍କ ଠାରେ ରବୀନ୍ଦ୍ରଙ୍କ ଦୀର୍ଘାୟୁ କାମନା କରିବା ସହ ଏବେ ପୋଲିସ ଉପରେ ଆଶା ବାନ୍ଧିଛନ୍ତି।
