ବାବୁସାନଙ୍କ ପତ୍ନୀ ତୃପ୍ତିଙ୍କ ଘରେ ରବି ମିଶ୍ର, ସମାଧାନ ପାଇଁ ସାଜିଲେ ମଧ୍ୟସ୍ଥି

1 min read

ଭୁବନେଶ୍ୱର:ବାବୁସାନ୍ ବିବାଦର ଆପୋସ ବୁଝାମଣା ପାଇଁ ଆରମ୍ଭ ହୋଇଛି ପ୍ରୟାସ । ବାବୁସାନଙ୍କ ପତ୍ନୀ ତୃପ୍ତିଙ୍କୁ ବୁଝାଇବାକୁ ଚେଷ୍ଟା ଚାଲିଛି। ତୃପ୍ତିଙ୍କ ଘରେ ପହଁଚି ତୃପ୍ତିଙ୍କୁ ବୁଝାଇବାକୁ ଉଦ୍ୟମ କରିଛନ୍ତି ଅଭିନେତା ରବି ମିଶ୍ର । ଅଭିନେତା ରବି ମିଶ୍ର  ବାବୁସାନଙ୍କ ପାରିବାରିକ ବନ୍ଧୁ ହୋଇଥିବାବେଳେ ସ୍ୱାମୀ – ସ୍ତ୍ରୀ ଙ୍କ ମଧ୍ୟରେ ଆପୋସ ବୁଝାମଣା ପାଇଁ ତୃପ୍ତିଙ୍କ ଘରେ ପହଁଚିଛନ୍ତି  ।

ସେପଟେ ଆଜି ଥାନାରେ ହାଜର ହୋଇପାରନ୍ତି ବାବୁସାନ । ବାବୁସାନ୍ ତୃପ୍ତି ପ୍ରକୃତି ବିବାଦର ସତ କଣ ? ପ୍ରକୃତିଙ୍କ ସହିତ ରହିଥିଲା କି ବାବୁଙ୍କ ପ୍ରେମ ସମ୍ପର୍କ। ଥାନାରେ ହାଜର ହୋଇ ପୋଲିସ ଆଗରେ ନିଜର ପକ୍ଷ ରଖିବେ ବାବୁସାନ ମହାନ୍ତି। ପୂର୍ବରୁ ମାମଲାରେ ପ୍ରକୃତିଙ୍କୁ ଜେରା କରିସାରିଛି ପୋଲିସ।

ଅନ୍ୟପଟେ ପ୍ରକୃତି ଓ ବାବୁସାନଙ୍କ ଏକ ଫୋନ୍ ବାର୍ତ୍ତାଳାପର ଅଡିଓ ଭାଇରାଲ୍ ହୋଇଛି। ଅଡିଓରେ ବାବୁସାନଙ୍କ ପାଇଁ ଯନ୍ତ୍ରଣା ପାଉଛନ୍ତି ବୋଲି କହିଛନ୍ତି ପ୍ରକୃତି । ଏଥିପାଇଁ ପ୍ରକୃତିଙ୍କୁ କ୍ଷମା ମାଗୁଛନ୍ତି ବାବୁସାନ୍ । ଅଡିଓରେ ପ୍ରକୃତି କେଉଁ କଲର ଶାଢ଼ି ପିନ୍ଧିବେ ସେକଥା ମଧ୍ୟ ବାବୁସାନ ପଚାରୁଛନ୍ତି । ଶେଷରେ ଉଭୟ ପରସ୍ପରଙ୍କୁ ଲଭ ୟୁ ବୋଲି କହି ଫୋନ କାଟୁଛନ୍ତି । ଏଥିରୁ ପ୍ରମାଣ ମିଳୁଛି ବାବୁ ଓ ପ୍ରକୃତିଙ୍କ ମଧ୍ୟରେ ସମ୍ପର୍କ କେତେ ନିବିଡ଼ ରହିଥିଲା  ।

ଗୋଟେପଟେ ବାବୁସାନ ଓ ପତ୍ନୀ ତୃପ୍ତିଙ୍କ ମଧ୍ୟରେ ସମ୍ପର୍କ ଯୋଡିବାକୁ ପ୍ରୟାସ ଚାଲିଥିଲାବେଳେ ଅନ୍ୟପଟେ ଭାଇରାଲ ଅଡ଼ିଓ କଲ ଏବେ ସମ୍ପର୍କରେ ଜୁଆର ଆଣିବା ନେଇ ସମ୍ଭାବନା ଦେଖାଦେଇଛି  । ତେବେ ଏହି ଷ୍ଟାର କଳିରେ ବାବୁସାନ ମହାନ୍ତି ପ୍ରତିଟି ପ୍ରଶ୍ନର ଉତ୍ତର ଦେବେ ବୋଲି କହିଛନ୍ତି । ପୋଲିସର ପଚରାଉଚରା ପରେ ସାମ୍ବାଦିକ ମାନଙ୍କ ଆଗରେ ସବୁ କହିବେ  । ଯାହା ଘଟଣାରେ ଆହୁରି ସସପେନ୍ସ ରହୁଛି  । ତେବେ ଦେଖିବାକୁ ବାକି ରହିଲା ଆଗକୁ ଏହି ମାମଲାର ଗତି କୁଆଡ଼େ ଯାଉଛି  ।

About Post Author

[DISPLAY_ULTIMATE_SOCIAL_ICONS]