ସୁଇମିଂ ଚାମ୍ପିଅନସିପରେ ୭ ପଦକ ଜିତିଲେ ଆର୍ ମାଧବନଙ୍କ ପୁଅ ବେଦାନ୍ତ
ମୁମ୍ବାଇ: ବହୁମୁଖି ପ୍ରତିଭାର ଅଧିକାରୀ ଆର୍ ମାଧବନଙ୍କ ପୁଅ ବେଦାନ୍ତ ସୁଇମିଂ ଚାମ୍ପିଅନସିପରେ ୭ ପଦକ ଜିତିଛନ୍ତି । ବାଙ୍ଗାଲୋରରେ ଆୟୋଜିତ ଜୁନିଅର ନ୍ୟାସନାଲ୍ ଏକ୍ୱାଟିକ୍ ଚାମ୍ପିଅନସିପରେ ମହାରାଷ୍ଟ୍ର ଲାଗି ୭ ଜଣ ମେଡାଲ୍ ଜିତିଛନ୍ତି । ୧୬ ବର୍ଷୀୟ ବେଦାନ୍ତଙ୍କ ଏହି ଉପଲବ୍ଧି ପାଇଁ ମାଧବନ ବହୁତ ଖୁସି । ବାସବନଗୁଡିର ଏକ୍ୱେଟିକ୍ ସେଣ୍ଟରରେ ଆୟୋଜିତ ସୁଇମିଂ ଚାମ୍ପିଅନସିପରେ ୪ ରୋପ୍ୟ ଓ ୩ କାଂସ୍ୟ ପଦକ ହାସଲ କରିଛନ୍ତି ।
ମହାରାଷ୍ଟ୍ରକୁ ପ୍ରତିନିଧିତ୍ୱ କରିଥିଲେ ବେଦାନ୍ତ। ୮୦୦ ମି. ଫ୍ରିଷ୍ଟାଇଲ୍ ସୁଇମିଂ, ୧୫୦୦ ଫ୍ରିଷ୍ଟାଇଲ୍ ସୁଇମିଂ, ୪×୧୦୦ ଫ୍ରିଷ୍ଟାଇଲ୍ ରିଲେ, ୪×୨୦୦ ଫ୍ରିଷ୍ଟାଇଲ୍ ରିଲେ ରୌପ୍ୟ ପଦକ ଜିତିଛନ୍ତି । ଏଥିସହ ୧୦୦ ମିଟର ଫ୍ରି ଷ୍ଟାଇଲ, ୨୦୦ ମିଟର ଫ୍ରି ଷ୍ଟାଇଲ ଓ ୪୦୦ ମିଟର ଫ୍ରି ଷ୍ଟାଇଲରେ ବ୍ରୋଞ୍ଜ ପଦକ ପାଇଛନ୍ତି । କମ୍ ବୟସରେ ଏତେ ସଫଳତା ପାଇଁ ବେଦାନ୍ତଙ୍କୁ ସମସ୍ତେ ଶୁଭେଚ୍ଛା ଜଣାଇଛନ୍ତି ।
