ମୁମ୍ବାଇ ଟେଷ୍ଟ: ଖସିଲା ସ୍ପାଏ କ୍ୟାମେରା, ମଜା ଉଠାଇଲେ ବିରାଟ ବାହିନୀ

ମୁମ୍ବାଇ: ଭାରତ-ନ୍ୟୁଜିଲାଣ୍ଡ ମଧ୍ୟରେ ମୁମ୍ବାଇରେ ଖେଳାଯାଉଛି ଦ୍ୱିତୀୟ ତଥା ଅନ୍ତିମ ଟେଷ୍ଟ । ଏହି ମ୍ୟାଚକୁ ତୃତୀୟ ଦିନରେ ଭାରତ ତା’ର ସପକ୍ଷକୁ ଆଣି ସାରିଛି । ଏହି ମ୍ୟାଚକୁ ଜିତିବାକୁ ହେଲେ ନ୍ୟୁଜିଲାଣ୍ଡ ଆଗରେ ଅସମ୍ଭବ ୫୪୦ ରନର ବିଜୟ ଲକ୍ଷ୍ୟ ଦେଇଛି । ଏହି ମ୍ୟାଚରେ ଭାରତ ଦ୍ୱିତୀୟ ଇନିଂସରେ ବୋଲିଂ କରୁଥିବା ବେଳେ ଦେଖିବାକୁ ମିଳିଥିଲା ଏକ ରୋଚକ ଘଟଣା । ସ୍ଥିତି ଏମିତି ହେଲା କି ବାଧ୍ୟହୋଇ ମ୍ୟାଚକୁ ରୋକିବାକୁ ପଡ଼ିଥିଲା । ନ୍ୟୁଜିଲାଣ୍ଡର ବ୍ୟାଟ୍ସମ୍ୟାନ ଡେରଲି ମିଚେଲ ଓ ଓ୍ୱଲ୍ ୟଙ୍ଗ ବ୍ୟାଟିଂ କରୁଥିବାବେଳେ ହଠାତ ସ୍ପାଇ କ୍ୟାମେରା କ୍ରିଜ୍ ନିକଟରେ ରହିଯାଇଥିଲା ।

Hey spidey, please move away 😃

That moment when the spider cam brought the game to a halt 📹📹 https://t.co/XUCt3WGMmr #INDvNZ @Paytm pic.twitter.com/SUS8QRMfFg

— BCCI (@BCCI) December 5, 2021

ଏହି ସମୟରେ ଖେଳାଳି ଏବଂ ଅମ୍ପାୟାରଙ୍କୁ ଲାଗିଥିଲା କି କ୍ୟାମେରା ରେକର୍ଡିଂ କରୁଛି । କିନ୍ତୁ କିଛି ସମୟ ତଳେ ରହିବା ପରେ ଅମ୍ପାୟାର ଟି ବ୍ରେକ୍ ଘୋଷଣା କରିଥିଲେ । ତେବେ କ୍ୟାମେରା ତଳକୁ ଆସିବା ସମୟରେ ଭାରତୀୟ ଦଳର ଖେଳାଳି କ୍ୟାମେରା ସାମ୍ନାରେ ମସ୍ତି କରୁଥିବାର ଦେଖିବାକୁ ମିଳିଥିଲା । ଯାହାର ଭିଡିଓ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି ।

fun with Spider Cam 😆 pic.twitter.com/5EDnfFp9dG

— sohom (@AwaaraHoon) December 5, 2021

ମୁମ୍ବାଇରେ ଚାଲିଥିବା ଦ୍ୱିତୀୟ ଟେଷ୍ଟର ତୃତୀୟ ଦିନ ଖେଳ ଶେଷ ସୁଦ୍ଧା ଭାରତ ଏକ ପ୍ରକାର ବିଜୟର ନିକଟତର ହୋଇସାରିଛି । ତୃତୀୟ ଦିନ ଖେଳ ଶେଷ ସୁଦ୍ଧା ଭାରତ ନ୍ୟୁଜିଲାଣ୍ଡର ୫ ଜଣ ବ୍ୟାଟ୍ସମ୍ୟାନଙ୍କୁ ପ୍ୟାଭିଲିୟନ ପଠାଇ ସାରିଛି । ୧୪୦ ରନ କରି ୫ ଓ୍ୱିକେଟ ହରାଇ ସାରିଥିବା ନ୍ୟୁଜିଲାଣ୍ଡକୁ ଏହି ମ୍ୟାଚକୁ ଜିତିବାକୁ ହେଲେ ୪୦୦ ରନ ଆବଶ୍ୟକ । ଯାହା ଏକ ପ୍ରକାର ଅସମ୍ଭବ ଅଟେ ।