ବ୍ରିଟେନ୍ ମହାରାଣୀ ଏଲିଜାବେଥଙ୍କ ଦେହାନ୍ତ

ନନ୍ଦିଘୋଷ ବ୍ୟୁରୋ: ବ୍ରିଟେନ୍ ମହାରାଣୀ ଏଲିଜାବେଥଙ୍କ ମୃତ୍ୟୁ  । ୯୬ବର୍ଷ ବୟସରେ ଆଖି ବୁଜିଛନ୍ତି ମହାରାଣୀ ଏଲିଜାବେଥ୍  । ବାଲମୋରାଲ ପ୍ୟାଲେସରେ ମହାରାଣୀ ରହିଆସୁଥିବାବେଳେ, ସେହିଠାରେ ହିଁ ତାଙ୍କର ଚିକିତ୍ସା ଜାରି ରହିଥିଲା  । ତେବେ ମହାରାଣୀ ଅସୁସ୍ଥ ଥିବା ନେଇ ଖବର ପ୍ରଚାରିତ ହୋଇଥିଲା  । ଅଭିଜ୍ଞ ଡାକ୍ତରୀ ଟିମ୍ ଦ୍ୱାରା ମହାରାଣୀଙ୍କ ଚିକିତ୍ସା ଜାରି ରହିଥିଲା  । କିନ୍ତୁ ସଦ୍ୟ ସୂଚିତ ରିପୋର୍ଟ ମୁତାବକ ମହାରୀଣୀ ଏଲିଜାବେଥଙ୍କ ମୃତ୍ୟୁ ହୋଇଛି  ।

ସମ୍ପୂର୍ଣ୍ଣ ବିଶ୍ରାମ ନେବାକୁ ତାଙ୍କୁ ଡାକ୍ତର ତାଙ୍କୁ ପରାମର୍ଶ ଦେଇଥିଲେ  ।  ଏଥିପାଇଁ ନିଜର ଫ୍ରିବି କାଉନସିଲ ବୈଠକକୁ ରଦ୍ଦ କରିଥିଲେ ମହାରାଣୀ। ବକିଙ୍ଗହମ୍ ପ୍ୟାଲେସ ପକ୍ଷରୁ ମିଳିଥିବା ସୂଚନା ଅନୁସାରେ ମହାରାଣୀଙ୍କ ପୁଅ ପ୍ରିନ୍ସ ଚାର୍ଲ୍ସ ଏବଂ ନାତି ପ୍ରିନ୍ସ ୱିଲିୟନ ତାଙ୍କ ପାଖକୁ ଆଜି ଆସିଥିଲେ  । ପ୍ୟାଲେସ ବାହାରେ ଲୋକଙ୍କ ଗହଳି ଲାଗୁଥିବା ଦେଖିବାକୁ ମିଳିଥିଲା । ଏଲିଜାବେଥଙ୍କ ସ୍ବାସ୍ଥ୍ୟବସ୍ଥା ନେଇ ଚିନ୍ତାପ୍ରକଟ କରିଥିଲେ ପ୍ରଧାନମନ୍ତ୍ରୀ ଲିଜ୍ ଟ୍ରସ୍ ।