କ୍ୱାରେଣ୍ଟାଇନ୍ ସେଣ୍ଟରରେ ଚାଲିଛି ମସ୍ତି, ଭିଡିଓ ହେଲା ଭାଇରାଲ
1 min read
ସାଲେପୁର: କ୍ୱାରେଣ୍ଟାଇନ୍ ସେଣ୍ଟରରେ ମଜା ମଜଲିସ୍ । ଏ ଦୃଶ୍ୟ ଦେଖିଲେ ଆପଣ ଜାଣିଯିବେ କ୍ୱାରେଣ୍ଟାଇନ୍ ସେଣ୍ଟରରେ କଣ ଚାଲିଛି । ଅବଶ୍ୟ ସବୁଠି ନୁହେଁ । କରୋନା ଭାଇରସ୍ ସଂକ୍ରମଣ ରୋକିବା ପାଇଁ ସରକାରଙ୍କ ପକ୍ଷରୁ ସନ୍ଦିଗ୍ଧ ଲୋକଙ୍କୁ କ୍ୱାରେଣ୍ଟାଇନ୍ ସେଣ୍ଟରରେ ରଖିବାର ବ୍ୟବସ୍ଥା କରାଯାଇଛି । କ୍ୱାରେଣ୍ଟାଇନ୍ ସେଣ୍ଟରରେ କିଛି ନିୟମ ସହ ଲୋକମାନେ ଯେମିତି ସମସ୍ୟାରେ ନପଡ଼ନ୍ତି, ସେଥିପାଇଁ ସବୁ ପ୍ରକାର ବ୍ୟବସ୍ଥା କରାଯାଇଛି । ସମସ୍ତ ବ୍ୟବସ୍ଥା କରିବାକୁ ପଞ୍ଚାୟତ ସ୍ତରରେ ସରପଞ୍ଚଙ୍କୁ ଦିଆଯାଇଛି ଦାୟିତ୍ୱ । ଆଉ ଏହାର ଫାଇଦା ଉଠାଉଛନ୍ତି ସରପଞ୍ଚଙ୍କ ସଂପର୍କୀୟ ଓ ସାଙ୍ଗସାଥୀ ।
https://www.facebook.com/NandighoshaTV/videos/658695998258025/
ଏ ହେଉଛି କଟକ ଜିଲ୍ଲା ସାଲେପୁର ବ୍ଲକ୍ ମହଣ ପଞ୍ଚାୟତରେ ଖୋଲାଯାଇଥିବା କ୍ୱାରେଣ୍ଟାଇନ୍ ସେଣ୍ଟର୍ର ଦୃଶ୍ୟ । ଅନ୍ୟ ନିୟମ ତ ଦୂରର କଥା, ସାମାଜିକ ଦୂରତା ରକ୍ଷା କଥା କିଏ ମାନୁଛି ? ୪-୫ ଜଣ ବ୍ୟକ୍ତି ବେଡ୍ ଉପରେ ଶୋଇ ମଉଜ କରୁଛନ୍ତି । ଏ ଲୋକମାନଙ୍କ ମଧ୍ୟରେ ସରପଞ୍ଚ ଲକ୍ଷ୍ମୀପ୍ରିୟା ମହାନ୍ତିଙ୍କ ସ୍ୱାମୀ ଓ ଜଣେ ଓ୍ୱାର୍ଡ ମେମ୍ବରଙ୍କ ସ୍ୱାମୀ ଅଛନ୍ତି । ଏ ଦୃଶ୍ୟ ଏବେ ଭାଇରାଲ୍ ହୋଇଛି । ଭିଡିଓ ଭାଇରାଲ୍ ପରେ ସଂପୃକ୍ତ ଲୋକମାନେ ଜ୍ୟୋତିରଞ୍ଜନ ମିଶ୍ର ନାମକ ଜଣେ ଯୁବକଙ୍କୁ ଧମକ ଦେଇଛନ୍ତି । ଏନେଇ ଜ୍ୟୋତିରଞ୍ଜନ ଥାନାରେ ଏତଲା ଦେଇଛନ୍ତି । ଘଟଣାକୁ ସରପଞ୍ଚ ଲକ୍ଷ୍ମୀପ୍ରିୟା ମହାନ୍ତି ଅନ୍ୟରୂପ ଦେବାକୁ ଚେଷ୍ଟା କରୁଥିବା ବେଳେ ଘଟଣାକୁ ନେଇ ଜୋର୍ ଧରିଛି ଚର୍ଚ୍ଚା । ଶୁଣନ୍ତୁ, କଣ କହୁଛନ୍ତି ସଂପୃକ୍ତ ଯୁବକ ଜ୍ୟୋତିରଞ୍ଜନ ମିଶ୍ର ଓ ସରପଞ୍ଚ ଲକ୍ଷ୍ମୀପ୍ରିୟା ମହାନ୍ତି ।
