ଗୁଟଖା ବିଜ୍ଞାପନ ଅଫରକୁ ‘ପୁଷ୍ପରାଜ’ଙ୍କ ନା‘
ମୁମ୍ବାଇ: ଫିଲ୍ମ ‘ପୁଷ୍ପା ଦ ରାଇଜ୍’ କୁ ନେଇ ଚର୍ଚ୍ଚାରେ ଥିବା ସାଉଥ ସୁପରଷ୍ଟାର ଅଲ୍ଲୁ ଅର୍ଜୁନ ଏବେ ପୁଣି ଥରେ ଚର୍ଚ୍ଚାକୁ ଆସିଛନ୍ତି । ଆଉ ଏଥର ତମାଖୁର ଏକ ବିଜ୍ଞାପନକୁ ମନା କରି ଚର୍ଚ୍ଚାକୁ ଆସିଛନ୍ତି ପୁଷ୍ପରାଜ । ଏହି ବିଜ୍ଞାପନ କରିବାକୁ ଉକ୍ତ ତମାଖୁ କମ୍ପାନୀ ଅଲ୍ଲୁଙ୍କୁ ମୋଟା ଅଙ୍କର ପାରିଶ୍ରମିକ ଦେବାପାଇଁ ଅଫର କରିଥିଲେ । ଏହାଦ୍ବାରା ଲୋକଙ୍କ ଉପରେ ଖରାପ ପଡ଼ିବ କହି ଅଲ୍ଲୁ ଏହାକୁ ମନା କରିଦେଇଛନ୍ତି ।
ନିକଟରେ ଅଲ୍ଲୁ ସର୍ବିଆରୁ ୪୦ତମ ଜନ୍ମଦିନ ପାଳନ କରି ଫେରିଛନ୍ତି । ତାଙ୍କ ସମ୍ପର୍କିୟଙ୍କ କହିବା ଅନୁସାରେ ଅଲ୍ଲୁ ଫିଟନେସକୁ ନେଇ ବହୁ ସଚେତନ ଅଛନ୍ତି । ଯେତେବେଳେ ତମାଖୁ କମ୍ପାନୀ ତାଙ୍କୁ ବିଜ୍ଞାପନ କରିବାକୁ ଅଫର କରିଥିଲା ସେତେବେଳେ ସେ ବିନା କିଛି ଭାବି ତାଙ୍କୁ ମନା କରିଦେଇଥିଲେ । କାରଣ ସେ ବି ତମାଖୁ ସେବନ କରନ୍ତି ନାହିଁ । ଆଉ ଚାହାଁନ୍ତିନି ତାଙ୍କର ଅସଂଖ୍ୟ ଫ୍ୟାନ୍ ତାଙ୍କଠୁ କିଛି ଖରାପ କାମ ଶିଖନ୍ତୁ ବୋଲି ।
ଏଠାରେ ଆମେ କହି ରଖିବାକୁ ଚାହୁଁଛୁ ଯେ, ନିକଟରେ ରିଲିଜ୍ ହୋଇଥିବା ଫିଲ୍ମ ‘ପୁଷ୍ପା ଦ ରାଇଜ’ ବକ୍ସ ଅଫିସରେ ସବୁ ରେକର୍ଡ ଭାଙ୍ଗି ସୁପର ହିଟ୍ ହୋଇଥିଲା । ଏହା ଦଶର୍କଙ୍କ ମନକୁ ଛୁଇଁବା ସହ ଅନେକ ପୁଷ୍ପାଙ୍କ ଷ୍ଟାଇଲକୁ ଆପଣାଇଥିଲେ । ଏବେ ଏହାର ଦ୍ବିତୀୟ ଭାଗ ସୁଟିଂ ଆରମ୍ଭ ହେବାକୁ ଯାଉଛି ।
