ସବୁ ରେକର୍ଡ ଭାଙ୍ଗିଲା ପୁଷ୍ପା-୨, ଏଗାର ଦିନରେ ଆୟ କଲା ୯୦୦ କୋଟି

ନନ୍ଦିଘୋଷ ବ୍ୟୁରୋ: ଅଲ୍ଲୁ ଅର୍ଜୁନ ଓ ରଶ୍ମିକା ମନ୍ଦାନାଙ୍କ ଫିଲ୍ମ ‘ପୁଷ୍ପା ୨ -ଦ ରୁଲ’ ବକ୍ସ ଅଫିସରେ ରେକର୍ଡ ଭାଙ୍ଗୁଛି। ‘ପୁଷ୍ପା ୨’ ହିନ୍ଦୀ ବକ୍ସ ଅଫିସରେ ଧମାକା ସୃଷ୍ଟି କରିଛି। ଏହା କ୍ରମାଗତ ଭାବରେ ହିନ୍ଦୀ ସିନେମାରେ ନୂଆ ରେକର୍ଡ ସ୍ଥାପନ କରୁଛି । ଅଲୁ ଅର୍ଜୁନଙ୍କ ‘ୱାଇଲ୍ଡ ଫାୟାର’ ଶୈଳୀ ବଡ ବଡ ଅଭିନେତାଙ୍କ ହୋସ୍ ଉଡାଇଦେଇଛି । ୧୧ ଦିନ ମଧ୍ୟରେ ସିନେମା ୯୦୦କୋଟି ଆୟ କରି ରେକର୍ଡ ଭାଙ୍ଗିଛି । ବର୍ତ୍ତମାନ ସୁଦ୍ଧା ପୁଷ୍ପା-୨, ୧୦୦୦କୋଟି ଆୟ କରିସାରିଥିବା ବେଳେ କେବଳ ଭାରତରୁ ୯୦୦କୋଟି ଟଙ୍କା ରୋଜଗାର କରିସାରିଲାଣି । ସିନେମା ରିଲିଜ ହେବାର ଦ୍ବିତୀୟ ରବିବାରରେ ଫିଲ୍ମର ଆୟ ରେକର୍ଡ ଭାଙ୍ଗିଛି । କେବଳ ଭାରତରେ ୧୧ଦିନ ମଧ୍ୟରେ ୭୫କୋଟି ଆୟ କରି ଭଲ ବ୍ୟବସାୟ କରିଛି । ତେବେ ମାତ୍ର ୧୧ଦିନରେ ପୁଷ୍ପା-୨,  ୧୦୦୦କୋଟି ଆୟ କରି ଦୃଢତାର ସହ ଆଗକୁ ବଢୁଛି ।

ଏକ  ରିପୋର୍ଟ ଅନୁଯାୟୀ, ‘ପୁଷ୍ପା -୨ ହିନ୍ଦୀରୁ ୫୫ କୋଟି, ତେଲୁଗୁରୁ ୧୬ କୋଟି ଏବଂ ତାମିଲରୁ ୩ କୋଟି ଟଙ୍କା ଆୟ କରିଛି । ଯଦି ଆମେ କନ୍ନଡ ବିଷୟରେ କହିବା, ଏହା ୦.୬ କୋଟି ଟଙ୍କା ଏବଂ ମାଲାୟାଲମ୍ ୦.୪ କୋଟି ଟଙ୍କା ରୋଜଗାର କରିଛି । ସିନେମାଟି ଶନିବାର ଦିନ ଭାରତରୁ ମୋଟ ୬୩.୩ କୋଟି ଟଙ୍କା ଆୟ କରିଛି। ‘ପୁଷ୍ପା -୨’ର ମୋଟ ନେଟ ସଂଗ୍ରହ ହେଉଛି ୯୦୦.୫ କୋଟି ଟଙ୍କା। ଏହି ଚଳଚ୍ଚିତ୍ରଟି ହିନ୍ଦୀରୁ ସର୍ବାଧିକ ଆୟ କରିଛି। କେବଳ ହିନ୍ଦୀରୁ ୫୫୩.୧ କୋଟି ଟଙ୍କା ରୋଜଗାର କରିଛି । ଯେତେବେଳେ କି ତେଲୁଗୁରୁ 279.35 କୋଟି ଟଙ୍କା ମୁଦ୍ରିତ ହୋଇଛି | ଏହା ବ୍ୟତୀତ ତାମିଲରୁ ୪୮.୧ କୋଟି, କନ୍ନଡରୁ ୬.୫୫ କୋଟି ଏବଂ ମାଲାୟାଲମରୁ ୧୩.୪ କୋଟି ଟଙ୍କା ରୋଜଗାର କରିଛି। ତେବେ ଏହି ଚଳଚ୍ଚିତ୍ରଟି ସାରା ବିଶ୍ୱରୁ ୧୨୯୨ କୋଟି ଟଙ୍କା ସଂଗ୍ରହ କରିଛି। ବର୍ତ୍ତମାନ ପୁଷ୍ପା ଭାଉ ୨୦୦୦ କୋଟି ଟଙ୍କା ଉପରେ ନଜର ରଖିଛନ୍ତି ।

ଏଗାର ଦିନରେ ‘ପୁଷ୍ପା-୨ ‘ ହିନ୍ଦୀରୁ ୫୫କୋଟି ଟଙ୍କା ବ୍ୟବସାୟ କରିଛି । ଏହା ସହିତ ଦ୍ୱିତୀୟ ରବିବାରରେ ଏହା ହିନ୍ଦୀରେ ସର୍ବାଧିକ ଆୟ କରିଥିବା ଚଳଚ୍ଚିତ୍ର ହୋଇପାରିଛି। ପୁଷ୍ପା ଭାଉ ଏଗାର ଦିନରେ ୪୨.୪ କୋଟି ଟଙ୍କା ଆୟ କରିଥିବା ‘ସ୍ତ୍ରୀ-୨’ର ରେକର୍ଡ ଭାଙ୍ଗିଛି । ଏହି ତାଲିକାରେ ଜବାନ୍ ତୃତୀୟ ସ୍ଥାନରେ ଥିବାବେଳେ ୟଶଙ୍କ KGF-2, ପ୍ରଭାସଙ୍କ କଳ୍କି ଏବଂ ଦୀପିକା ପାଦୁକୋନଙ୍କ ପଦ୍ମାବତକୁ ପଛରେ ପକାଇଦେଇଛି ।