କୋରାପୁଟିଆ ଗୀତରେ ଆଦିବାସୀଙ୍କ ମନଛୁଆଁ ନୃତ୍ୟ । ଦେଶିଆ ନାଚରେ ରୋମାଞ୍ଚରେ ରୋମାଞ୍ଚିତ ହେଲା ପୁଷପୁନେଇ ଉତ୍ସବ । ଲିଭି ଯାଉଥିବା ଆଦିବାସୀ କଳାକୁ ପୁଣି ଆଖି ସାମ୍ନାରେ ଦେଖି ଉତ୍ସାହିତ ଦର୍ଶକ । ରଙ୍ଗାରଙ୍ଗ ପରିବେଶ ଭିତରେ ଉଦଯାପିତ ହେଲା ପୁଷପୁନେଇ ମହୋତ୍ସବ ୨୦୨୬ । ୨ ତାରିଖରୁ ଆରମ୍ଭ ହୋଇଥିବା ଏହି ମହୋତ୍ସବ ୮ ଦିନ ଧରି ଲୋକଙ୍କୁ ଯୋଗାଇଥିଲା ମନୋରଞ୍ଜନର ଖୋରାକ । ଲୋପ ପାଉଥିବା କଳା, ସଂସ୍କୃତି ଓ ପରମ୍ପରାକୁ ପୁରର୍ଜିବିତ କରବା ପାଇଁ ଉତ୍ସବର ପଞ୍ଚମ ସଂସ୍କରଣରେ ହୋଇଥିଲା ବ୍ୟାପକ ବ୍ୟବସ୍ଥା । ଜିଲ୍ଲାର କଳାକାରଙ୍କୁ ନେଇ ସଙ୍ଗୀତ, ନୃତ୍ୟ ପ୍ରଦର୍ଶନ ସହ ଦେଶିଆ ନାଟକ ଓ କୋରାପୁଟିଆ ଫିଲ୍ମ ଫେଷ୍ଟିଭାଲ ଦର୍ଶକଙ୍କ ମନ ମହିଥିଲା ।
କଳା ଓ କଳାକାର ସଂଘ ପକ୍ଷରୁ ଆୟୋଜିତ ଏହି ଉତ୍ସବ ଜିଲ୍ଲା ତଥା ରାଜ୍ୟ ଓ ରାଜ୍ୟ ବାହାର କଳାକାରଙ୍କୁ ଏକାଠି କରିଥିଲା । କଣ୍ଠଶିଳ୍ପୀ ମଣ୍ଟୁ ଛୁରିଆ, ସାଜିତ ମାଲ୍ୟାଙ୍କ ସଂଗୀତରେ ଝୁମିଥିଲେ ଶ୍ରୋତା । ଏହାସହ ମୀନାବଜାର ସାଙ୍ଗକୁ ଭଳି କି ଭଳି ଖାଦ୍ୟର ପସରା ସହ ଜମିଥିଲା ବିକ୍ରିବଟା ।
ପ୍ରତିବର୍ଷ କୋରାପୁଟର ଏହି ପୁଷପୁନେଇ ମହୋତ୍ସବ ଆୟୋଜନ ଲୁକ୍କାୟିତ ପ୍ରତିଭାକୁ ଲୋକଲୋଚନକୁ ଆଣିବାରେ ସହାୟକ ହେଉଥିବା କହିଛନ୍ତି ବୁଦ୍ଧିଜୀବୀ ।
